Կըրշեհիր (թուրքերեն՝ Kırşehir), գյուղաքաղաք Թուրքիայում, Անկարայի վիլայեթում։ XIX դ. վերջին ուներ մոտ 9000 թուրք, հայ, հույն բնակիչ։ Հայերն զբաղվում էին հիմնականում արհեստագործությամբ՝ ոսկերչությամբ և մետաքսագործությամբ, ինչպես և առևտրով։ Ունեին եկեղեցի (Ս. Գևորգ) և դպրոց («Հայկական» անունով, 130 աշակերտ)։ 1915-ին հայերը տեղահանվել են. մեծ մասը զոհվել է գաղթի ճանապարհին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 397)։
|