Քաղաքական պոռնիկ
Քաղաքական մարմնավաճառ, քաղաքական կլիշե, որը կիրառվում է սկզբունքներ չունեցող քաղաքական գործիչներին անվանելու դեպքում, որոնք պատրաստ են շրջանցել իրենց պատիվը, խիղճը, պարտքը (ժողովրդի և հայրենիքի հանդեպ) և այլ բարձր արժեքներ՝ հանուն սեփական շահի։ Արտահայտության հեղինակն ստույգ հայտնի չէ։ Այն հատուկ էր 20-րդ դարի սկզբի հրապարակախոսների լեզվին։ Արտահայտությունը լայն կիրառում է գտել 1937 թվականին «Լենինը հոկտեմբերին» ֆիլմի թողարկումից հետո։ Ֆիլմի դրվագներից մեկում Վլադիմիր Լենինը, կարդալով Կամենևի և Զինովևի հոդվածը, բացականչում է.
«Ահա հիացե՛ք, ընկեր Վասիլի, թե ինչպես այս բարեպաշտ մարդիկ, այս քաղաքական մարմնավաճառները մեզ դավաճանեցին։ Դավաճանեցին կուսակցությանը, մատնեցի՛ն Կենտկոմի պլանները»։ |
Ոչ մի փաստաթուղթ չի պահպանվել, որտեղ Լենինն ուղղակիորեն օգտագործած լինի այդ տերմինը։ Բայց կան բազմաթիվ վկայություններ այն մասին, որ նա կիրառել է «մարմնավաճառ» բառը իր քաղաքական ընդդիմախոսների վերաբերյալ։ Մասնավորապես, պահպանվել է Լենինի նամակը ՌՍԴԱԿ (Ռուսաստանի սոցիալ-դեմոկրատական աշխատանքային կուսակցություն) Կենտկոմին՝ գրված 1905 թվականի սեպտեմբերի 7-ին, որտեղ գրել է.
Ի սեր Աստծո, մի՛ շտապեք պաշտոնական բանաձևի առումով և ոչ մի կետ մի՛ զիջեք այս բունդա-նորիսկրայական համաժողովին։ Մի՞թե առանց արձանագրությունների կլինի։ Մի՞թե կարելի է այդ մարմնավաճառների հետ առանց արձանագրությունների ելույթավարել։ - [3]
|
Ֆր. Մերինֆը և Ռոզա Լյուքսեմբուրգն ամբողջությամբ ճիշտ են՝ դրա համար Կաուտսկուն անվանելով մարմնավաճառ (Mädchen für alle)։ - [2]
|
1918 թվականի հունվարի 3-ին Պետրոգրադում Լենինի հանդեպ մահափորձից հետո «Պրավդա» թերթի «Զգուշացե՛ք» խմբագրական հոդվածում տեղ է գտել հետևյալ արտահայտությունը. «Բանկիրները, ֆաբրիկաների տերերը, գործարանատերերը, վարձում են խուլիգանների, նախկին խուզարկուների, աջ էսէռների, հակահետախույզների, բոլոր քաղաքական մարմնավաճառներին»[1][2]։
Լև Տրոցկին քաղաքական մարմնավաճառ է անվանվել 1934 թվականին «Մարքսիզմի դրոշի ներքո» ամսագրում[2]։
Կլիշեի կիրառում ժամանակակից քաղաքականության մեջ խմբագրել
Ներկայումս «քաղաքական մարմնավաճառ» կլիշեն շարունակում է կիրառվել քաղաքական հռետորաբանության մեջ։ Օրինակ՝ 2007 թվականին ԱՄՆ Ներկայացուցիչների պալատի արտաքին գործերի կոմիտեի նախագահ կոնգրեսմեն Թոմ Լանթոսը սուր քննադատության է ենթարկել Գերհարդ Շրյոդերի և Ժակ Շիրակի քաղաքականությունը, որոնք հրաժարվել էին աջակցել ԱՄՆ-ին 2003 թվականին Իրաք ներխուժման ժամանակ[4]։ Լայն հռչակում է ստացել միջադեպը, երբ Լանթոսը հրապարակայնորեն մեղադրել է Գերմանիայի նախկին կանցլեր Գերհարդ Շրյոդերին «քաղաքական մարմնավաճառության» մեջ։ Աղմկալից հայտարարությունը հնչել է Վաշինգտոնում կոմունիստական վարչակարգի զոհերի հուշարձանի բացման ժամանակ[5]։ 2008 թվականի օգոստոսին «Наша Украина — Народная самооборона» նախագահամետ դաշինքի պաշտոնական կայքում պատգամավոր Պավել Ժեբրիսկու հայտարարությունն է հրապարակվել, որտեղ խիստ քննադատության է ենթարկել Գերմանիայի նախկին կանցլեր Գերհարդ Շրյոդերի հայտարարությունը, որում Միխեիլ Սաակաշվիլին դատապարտվում էր Հարավային Օսիայի դեմ ռազմական գործողություններ ծավալելու համար[6]։
2013 թվականին Ռուսաստանում պետական խոշոր կոնֆլիկտ է առաջացրել «Քաղաքական մարմնավաճառությունը փոխում է սեռը» հրապարակումը «Московский комсомолец» թերթում, որում այդ արտահայտությունն օգտագործվել է երեք կին պատգամավորների՝ Իրինա Յարովայի, Եկատերինա Լախովայի և Օլգա Բատալինայի վերաբերյալ[7]։
Ծանոթագրություններ խմբագրել
- ↑ 1,0 1,1 Политические проститутки // Энциклопедический словарь крылатых слов и выражений / сост. Серов В.В.. — 2-е. — М.: «Локид-Пресс», 2005. — 880 с. — ISBN 5-320-00323-4
- ↑ 2,0 2,1 2,2 2,3 Константин Душенко Эта политическая проститутка Троцкий... = «Читаем вместе». — 2009. — В. № 6 (июнь). Архивировано из первоисточника 25 Ապրիլի 2010.
- ↑ Письмо Центральному Комитету РСДРП. 25 августа (7 сентября) 1905 г. // Ленин В. И. . Полное собрание сочинений, изд. 5-е. — М.: Издательство политической литературы, 1970. — Т. 47 — С. 64.
- ↑ «Lantos Raps Former European Leaders». Associated Press. 13 июня 2007. Արխիվացված օրիգինալից 2011 թ․ օգոստոսի 22-ին. Վերցված է 2 октября 2008-ին.
- ↑ «Шрёдер — «политическая проститутка»». Gazeta.Ru. Արխիվացված է օրիգինալից 2012 թ․ օգոստոսի 3-ին. Վերցված է 2020 թ․ հունվարի 20-ին.
- ↑ «Блок Ющенко: Герхард Шрёдер — проститутка и позор немецкого народа, «Новый Регион — Политика», 19.08.2008». Արխիվացված է օրիգինալից 2008 թ․ հոկտեմբերի 14-ին. Վերցված է 2010 թ․ ապրիլի 5-ին.
- ↑ Как «политическая проституция» взорвала Думу: заявление о низости «МК» принято — Политическая жизнь России — МК
Արտաքին հղումներ խմբագրել
- Георгий Хазагеров. «Политическая риторика». § 4. Система убеждающих речей в ленинскую и сталинскую эпохи. Сайт evArtist (авторский проект Екатерины Алеевой). Արխիվացված է օրիգինալից 2004 թ․ դեկտեմբերի 16-ին. Վերցված է 20 августа 2008-ին.
{{cite web}}
: External link in
(օգնություն)|publisher=
- Валентин Домиль (февраль 2007 года). «Чтобы начальству угодным быть…». Сетевой журнал «Заметки по еврейской истории» № 4(76). Վերցված է 20 августа 2008-ին.
{{cite web}}
: External link in
(օգնություն)CS1 սպաս․ url-status (link)|publisher=