Թոմ Քաթինա
Թոմ Քաթինա (անգլ.՝ Tom Catena, ապրիլի 26, 1964, Ամստերդամ, Մոնտգոմերի շրջան, Նյու Յորք, ԱՄՆ), ամերիկացի բժիշկ, ով 2008 թվականից իր գործունեությունն իրականացնում է Սուդանի Նուբա լեռների Գիդել քաղաքում[1][4][5]։
 | |
|---|---|
 Թոմ Քաթինան ԵՊԲՀ-ում «Երախտագիտությունն ի գործ» ելույթի ժամանակ, 2017 թ. | |
| Ծնվել է | ապրիլի 26, 1964 (59 տարեկան) |
| Ծննդավայր | Ամստերդամ, Մոնտգոմերի շրջան, Նյու Յորք, ԱՄՆ |
| Ազգություն | ամերիկացի |
| Դավանանք | կաթոլիկ |
| Այլ անուններ | «Դոկտոր Թոմ» |
| Կրթություն | Դյուք համալսարան[1] Բրաուն համալսարան[2] |
| Մասնագիտություն | բժիշկ, վիրաբույժ |
| Աշխատավայր | «Գթության Մայր» հիվանդանոց |
| Պարգևներ | |
Կենսագրություն խմբագրել
Նուբա լեռների շրջանը 2011 թվականից ակտիվ կոնֆլիկտային գոտի է համարվում[6], և Քաթինան 750.000 բնակչություն ունեցող այս շրջանի միակ վիրաբույժն է[7]։ Հիվանդները հաճախ ոտքով ճամփորդում են հասնելու «Գթության Մայր» հիվանդանոց, որտեղ Քաթինան աշխատում է։ Հիվանդանոցային տարածքն զբաղեցնում է Հարավային Կորդոֆանի 1/3-ը, որը տարածքով համարժեք է Ավստրիայի տարածքին[8]։ Հիվանդանոցի այցելուներն ունեն տարբեր խնդիրներ՝ կոտրվածքներ, փորլուծություն, վահանագեղձի հիվանդություններ, քաղցկեղ, ինչպես նաև պատերազմի պատճառով զոհեր[1][6][8]։
Գործունեություն խմբագրել
Հումանիտար օգնությունն այստեղ արգելված է, ինչը Քաթինան անտեսում է[7]։ Խարթումի կառավարության շրջափակման պատճառով այստեղ քիչ հասարակական կազմակերպություններ են գործում[1]։ 2012 թվականից օգնությունն ուղղակիորեն չի արգելվում, բայց դա գործնականում անհնար է, քանի որ կամավորները չեն կարող ճանապարհորդել դեպի տարածաշրջան[1]։ 2013 թվականից այստեղ գործել են «Գերմանացի փրկարար բժիշկներ» և «Սամարացու քսակ» մարդասիրական կազմակերպությունները, սակայն տարածաշրջանում վերապատրաստված բժիշկ չի եղել[1]։ Սահմանափակ միջոցներով շրջապատված՝ Քաթինան երբեմն օգտագործում է հին բժշկական մեթոդներ, վաստակում է 350 ԱՄՆ դոլար՝ շուրջօրյա աշխատելով շաբաթական 7 օր[9]։ Նա տեղացիներին նույնպես ներգրավում է աշխատանքի մեջ որպես քույրեր, օգնականներ[1][2]։
Հիվանդանոցն ունենում է 300–350 հիվանդներ։ 2014 թվականի մայիսին հիվանդանոցը ռմբակոծվել է, սակայն ոչ ոք չի տուժել[1][8]։ Ռմբակոծություններից պաշտպանվելու համար ստեղծվել են հորանցքեր[8]։
Քաթինան ասում է, որ իրեն ոգեշնչում է սուրբ Ֆրանցիսկ Ասսիզեցին[1][9]։ Տեղացիները նրան «Դոկտոր Թոմ» են անվանում, և նա մեծ հարգանք է վայելում շրջապատում[9]։
Քաթինան ավարտել է Բրաունի համալսարանը, քոլեջում խաղացել է ֆուտբոլ։ Բժշկական մասնագիտություն ձեռք է բերել Դյուք համալսարանում[1]։ Նախքան Սուդան տեղափոխվելը Քենիայում եղել է ռազմական բժիշկ[5]։ Նրան նմանեցնում են 20-րդ դարի գերմանացի փիլիսոփա, աստվածաբան, բժիշկ Ալբերտ Շվայցերին[10]։
2016 թվականի մարտին առաջադրվել է «Ավրորա» մարդասիրական համաշխարհային մրցանակի համար[11], 2017 թվականին՝ արժանացել Ավրորա մրցանակի[12]։
«Ավրորա» մրցանակաբաշխության միջոցառումների շրջանակում 2018 թվականի հունիսի 4-ին մարվել և շրջանառության մեջ է դրվել նամականիշ՝ նվիրված ««Ավրորա» մարդասիրական նախաձեռնություն. «Ավրորա» մրցանակի դափնեկիրներ. Թոմ Քաթինա»» թեմային[13]։
Մեջբերումներ Թոմ Քաթինայից խմբագրել
|
Մարդիկ օժտված են խիզախությամբ, որը երբեք չես սպասի[14]։ | 
|
|
|
Եթե դուք հույս ունեք, հույսի փոքր ճառագայթ, ապա դա կօգնի մարդկանց շարունակել շարժվել առաջ։ |
|
Ընտանիք խմբագրել
Թոմ Քաթինան ամուսնացել է 2019 թվականի հունվարի 8-ին։ Ամուսնությունը պաշտոնապես գրանցել է ՀՀ Արդարադատության նախարարության ամուսնության պալատում[15]։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 Bartholet, Jeffrey. «Doctor in a Desperate Land». Foreign Policy. Վերցված է 2015 թ․ հուլիսի 2-ին.
- ↑ 2,0 2,1 Morton, Gordon (2013 թ․ մարտի 14). «Man on a Mission». Brown School of Enginering. Brown Alumni Magazine. Արխիվացված է օրիգինալից 2016 թ․ մարտի 17-ին. Վերցված է 2015 թ․ հուլիսի 2-ին.
- ↑ DR. TOM CATENA – 2017 AURORA PRIZE LAUREATE
- ↑ «Hospital in Nuba Mountains losing nurses to INGOs in Yida». Radio Tamazuj. Արխիվացված է օրիգինալից 2015 թ․ հուլիսի 3-ին. Վերցված է 2015 թ․ հուլիսի 2-ին.
- ↑ 5,0 5,1 Knaup, Horand. «Africa's Forgotten War: The Bloody, Invisible Battle for South Kordofan». Spiegel Online International. Վերցված է 2015 թ․ հուլիսի 2-ին.
- ↑ 6,0 6,1 Reeves, Eric. «Reeves». Sudan Reeves. Վերցված է 2015 թ․ հուլիսի 2-ին.
- ↑ 7,0 7,1 Tom Catena Արխիվացված 2019-04-05 Wayback Machine TIME Magazine. The 100 most influential people. Accessed 29 June 2015.
- ↑ 8,0 8,1 8,2 8,3 Bartholet, Jeffrey. «Q&A: Doctor Describes How Sudanese Bombers Terrorized Hospital». National Geographic. National Geographic. Վերցված է 2015 թ․ հուլիսի 3-ին.
- ↑ 9,0 9,1 9,2 Nicholas Kristof (27 June 2015) 'He’s Jesus Christ' Նյու Յորք Թայմս.
- ↑ Nicholas Kristof (27 June 2015) How to Help Dr. Tom Catena The New York Times.
- ↑ Finalists Picked for New Prize Created in Memory of Armenian Genocide
- ↑ «Թոմ Քաթինա. 2017թ. Ավրորա մրցանակի դափնեկիր». AURORA PRIZE. Վերցված է 2017 թ․ մայիսի 29-ին.
- ↑ «Նոր փոստային նամականիշ՝ նվիրված 2017 թվականի «Ավրորա» մրցանակի դափնեկիր Թոմ Քաթինային». mtcit.am (անգլերեն). Վերցված է 2018 թ․ հունիսի 27-ին.
- ↑ «Խիզախություն, որ երբեք չես սպասի»
- ↑ ««Ավրորա» մրցանակի դափնեկիր Թոմ Քաթինան իր ամուսնությունը գրանցել է Երևանում».
