Տոմա Դունդիչ
Տոմա Դունդիչ (սերբ.՝ Алекса Дундић, խորվ.՝ Aleksa Dundić, իրեն անվանել է նաև Իվան, գրականության մեջ Օլեկո, ապրիլի 13, 1896[1], Grabovac, Šestanovac, Խորվաթիայի և Սլավոնիայի թագավորություն, Ավստրո-Հունգարիա - հուլիսի 8, 1920[1], Ռովնո, Լեհաստանի Երկրորդ Հանրապետություն), սերբ զինվորական, Ռուսաստանի քաղաքացիական պատերազմի (1918– 1920) մասնակից։ Առաջին համաշխարհային պատերազմի ժամանակ, 1916 թվականին Լուցկի տակ Դունդիչին գերել են ռուսական զորքերը։ Մտել է Ռուսաստանում կազմավորված սերբական կամավորական կորպուսի շարքերը։ Այնուհետև ծառայել է Կարմիր գվարդիայում։ 1918 թվականի մարտին պարտիզանական ջոկատ է գլխավորել Բախմուտի (այժմ՝ Արտյոմովսկ, Ուկրաինա) շրջանում։ Ինտերնացիոնալ գումարտակի կազմում մասնակցել է Ցարիցինի պաշտպանությանը։ Սեմյոն Բուդյոննու՝ Դոնի առանձին կովկասյան դիվիզիայում (ավելի ուշ՝ հեծյալ կորպուսում և Առաջին հեծյալ բանակում) եղել է հատուկ առաջադրանքների գծով գնդի հրամանատարի օգնական, հեծյալ դիվիզիոնի հրամանատար (1919 թվական)։
| Տոմա Դունդիչ ռուս.՝ Олеко Дундич | |
|---|---|
 | |
| Ծնվել է | ապրիլի 13, 1896[1] |
| Ծննդավայր | Grabovac, Šestanovac, Խորվաթիայի և Սլավոնիայի թագավորություն, Ավստրո-Հունգարիա |
| Մահացել է | հուլիսի 8, 1920[1] (24 տարեկան) |
| Մահվան վայր | Ռովնո, Լեհաստանի Երկրորդ Հանրապետություն |
| Գերեզման | Ռովնո |
| Քաղաքացիություն | .svg){kind=small} ՌԽՖՍՀ |
| Մասնագիտություն | ռազմական գործիչ |
| Պարգևներ և մրցանակներ | |
 Aleksa Dundić Վիքիպահեստում | |
Զոհվել է մարտում, փառաբանվել իր հերոսությամբ և կոչվել «Կարմիր Դունդիչ»։ Պարգևատրվել է Կարմիր դրոշի շքանշանով։
Ծանոթագրություններ խմբագրել
 | Վիքիպահեստն ունի նյութեր, որոնք վերաբերում են «Տոմա Դունդիչ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 460)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |