Տիլզիտ թատրոն
«Տիլզիտ թատրոն» (ռուս.՝ Тильзи́т-теа́тр), Ռուսաստանի Կալինինգրադի մարզի Սովետսկ քաղաքի Կալինինգրադի մարզային պատանի հանդիսատեսի «Մոլոդյոժնի» թատրոնի ֆիրմային անվանումը[1]։
Տիլզիտ թատրոն | |
---|---|
Տեսակ | թատրոն, երիտասարդական թատրոն և ճարտարապետական հուշարձան |
Երկիր | Ռուսաստան |
Գտնվելու վայրը | Սովետսկ |
Հիմնադրման ամսաթիվ | 1893 |
Կայք | tilsit-theatre.ru |
Tilsit Theater Վիքիպահեստում |
Թատրոնի ֆիրմային անվանումը գալիս է Սովետսկ քաղաքի պատմական գերմանական Տիլզիտ (գերմ.՝ Tilsit) անունից, որը կիրառվել է մինչև 1946 թվականը. անունը ստացել է 8-րդ դարում Պրուսիայի հողերում Տևտոնական օրդենի արշավների ժամանակ[1]։
Թատրոնը գտնվում է հին, հատուկ կառուցված շենքում։ Ունի 250 նստատեղ՝ երեք հարկաշարքերում[2]։
Պատմություն խմբագրել
Գերմանական ժամանակաշրջան խմբագրել
Թատրոնն առաջին անգամ բացվել է 1893 թվականին, թեև շրջիկ խմբերը նախկինում հանդես են եկել Տիլզիտի անբավարար տարածքներում։ Թատրոնի բեմում առաջին ելույթը եղել է Գյոթեի «Էգմոնտ» դրաման։ Թատրոնի առաջին տնօրենն է եղել Էմիլ Հանեմանը։ Թատրոնի հին շենքը զգալիորեն վերակառուցվել է 1903 թվականին, հանդիսատեսի սրահը զգալիորեն ընդլայնվել է։ Իսկ 1908 թվականին թատրոնը ղեկավարել է Ֆրանչեսկո Սիոլին։ 1936 թվականին թատրոնի շենքը հերթական անգամ վերակառուցվել է և կոչվել «Սահմանների թատրոն»։ Երկրորդ համաշխարհային պատերազմի սկսվելուն պես հետո թատրոնը փակվել է։
Խորհրդային ժամանակաշրջան խմբագրել
1956 թվականի նոյեմբերի 7-ին «Հավերժական աղբյուր» ներկայացմամբ Սովետսկում բացվել է քաղաքի դրամատիկական թատրոնը։ Թատրոնի վերածննդի ռահվիրաներից է եղել Ալեքսանդր Բրոդեցկին, որը ղեկավարել է թատրոնը շուրջ 10 տարի։ Սկզբում թատրոնը չուներ իր սեփական թատերախումբը, սակայն շուտով եկվոր դերասանների հետ միասին թատրոնի բեմում սկսեցին հանդես գալ տեղացի դերասանները։ 1966 թվականին թատրոնի գլխավոր տնօրեն է դարձել Բորիս Գրիգորևիչ Կոդոկոլովիչը։
Ռուսական ժամանակաշրջան խմբագրել
1989 թվականը թատրոնի համար եղել է շրջադարձային։ Թատրոնը ձեռք է բերել «Երիտասարդական» կարգավիճակ և իրավունք է ստացել ունենալու «Տիլզիտ թատրոն» գովազդային անվանումը։ Թատերախմբի կազմը թարմացվել է, ղեկավարությունը փոխվել է։ 1991 թվականին թատրոնը ղեկավարել է Շուկինսկու ուսումնարանի շրջանավարտ Եվգենի Մարչելին, որը ստեղծել է «Տիլզիտ թատրոնի» նոր ստեղծագործական կերպարը։ Ռեժիսորի գործունեության տարիներին թատրոնը մասնակցել է ավելի քան 20 միջազգային փառատոների Ռուսաստանում և արտերկրում`Իտալիայում, Գերմանիայում, Լիտվայում, Շվեդիայում և այլուր։
2014 թվականի փետրվարից «Տիլզիտ թատրոնը» բացվել է ևս մեկ վերակառուցումից հետո, որը տևել է երկուսուկես տարի։ Կալինինգրադի շրջանում «Տիլզիտ թատրոնի» տարածքը համարվում է ամենահեղինակավոր, տեխնոլոգիապես հագեցած և գրավիչ վայրը զբոսաշրջիկների համար։
2017 թվականի մարտին թատրոնը ղեկավարել է ռեժիսոր Արտյոմ Տերյոխինը։
Թատրոնի շենք խմբագրել
Պատմական շենք խմբագրել
Թատրոնը բացվել է 1893 թվականին հատուկ հարմարեցված շենքում։ Այս շենքը համեմատաբար փոքր տարողունակություն է ունեցել և զգալիորեն վերակառուցվել է 1903 թվականին։ Դահլիճը ընդարձակվել է, բեմի դիմաց կառուցվել է նվագախմբի փոսը։ Բեմը նույնպես ընդարձակվել է։ Թատրոնը վերակառուցվել է բարոկկո ոճով։ 1936 թվականի վերակառուցումն իրականացվել է նացիստական գաղափարախոսության տեսանկյունից, շենքի ներսում գտնվող դեկորային շատ տարրեր հանվել են, և շենքն ամբողջովին վերակառուցվել է դրսից։ Շենքը ստացել է ավելի լուրջ տեսք, հանվել են Շիլլերի և Գյոթեի քանդակները։
Ներկայիս շենք խմբագրել
Թատրոնի ժամանակակից շենքն ունի 250 նստատեղ։ Ըստ չափերի և բնութագրի՝ թատրոնը դասվում է կամերային թատրոնների շարքին։ Բեմի տարածքը կազմում է 120 քմ (բեմի խորությունը նախաբեմով 12 մետր է, լայնությունը`10 մետր, նախաբեմի խորությունը՝ 2 մետր), կան դիմահարդարման 5 սենյակներ և 1 սենյակ փորձերի համար[2]։
Թատրոնի ադմինիստրացիա խմբագրել
2015 թվականի հունվարի 15-ի դրությամբ թատրոնն ունեցել է հետևյալ հաստիքացուցակը[3]՝
- Գործադիր տնօրեն՝ Կուլիևա Աննա Պյատրովնա
- Գլխավոր ռեժիսոր՝ Արտյոմ Վլադիմիրովիչ Տերյոխին
- Տնօրենի տեղակալ՝ Բորիսով Արտյոմ Սերգեևիչ
- Թատերախմբի ղեկավար՝ Տատյանա Դմիտրիևնա Զուբորենկո
- Հնչյունային ռեժիսոր՝ Մարինա Ժոզեֆովնա Գրաբովենկո
- Լուսային նկարիչ՝ Ալեքսանդր Վլադիմիրովիչ Դոլժնիկով
- Բեմադրական մասի ղեկավար՝ Դմիտրի Ալեքսանդրովիչ Իոնով
- Գրական բաժնի ղեկավա՝ Վիկտորյա Յուրևնա Շմակովա
- Դիմահարդար՝ Լյուդմիլա Պետրովնա Ժարինովա
- Գլխավոր հաշվապահ՝ Վերա Անդրեևնա Դանիլովա
- Ադմինիստրատոր՝ Ելենա Վալենտինովնա Միտյաևա
- Դիզայներ-դեկորատոր՝ Ալինա Միխայլովնա Բալկովա
Թատերախումբ խմբագրել
Թատրոնի թատերախմբի կազմը 2017 թվականի ապրիլի դրությամբ՝
- Բորիս Միրոնյուկ, ՌԴ վաստակավոր դերասան
- Իրինա Նեսմիյանովա, ՌԴ վաստակավոր դերասան
- Նիկոլայ Պարշինցև, ՌԴ վաստակավոր դերասան
- Վերա Կրասովիցկայա
- Վլադիմիր Կոմիսարովսկի
- Անատոլի Գրաբովենկո
- Դմիտրի Վոլոշին
- Իրինա Սեմյոնովա
- Լյուդմիլա Վոլոշինա
- Նատալյա Անտոնովա
- Ռոման Նագմետով
- Սերգեյ Վագանով
- Վլադիմիր Արխիպով
- Անաստասիա Արխիպովա
- Անաստասիա Գաժիյսկայա
- Ռոման Ռոմանկով
- Ալինա Բոյարչուկովա
- Վարվառա Ուտրոբինա
- Ալեքսեյ Իզմայլով
- Պոլինա Կոզլովսկայա
Ծանոթագրություններ խմբագրել
- ↑ 1,0 1,1 История происхождения названия «Тильзит-театра». Արխիվացված 2015-04-30 Wayback Machine // tilsit-theatre.ru
- ↑ 2,0 2,1 Краткое описание площадки Калининградского областного театра юного зрителя «Молодёжный» («Тильзит-театра»). Արխիվացված 2015-06-15 Wayback Machine // tilsit-theatre.ru
- ↑ Сотрудники Калининградского областного театра юного зрителя «Молодёжный» («Тильзит-театра»). Արխիվացված 2016-03-04 Wayback Machine // tilsit-theatre.ru