Տիլզիտի փոստատան շենք
Տիլզիտի փոստատան շենք (ռուս.՝ Здание тильзитского почтамта ), պատմական շենք Ռուսաստանի Կալինինգրադի մարզի Սովետսկ քաղաքի հետիոտնային Հաղթանակի փողոցում, որտեղ գտնվում է Ռուսաստանի փոստային բաժանմունքը։ Շենքն ընդգրկված է Տիլզիտի ճարտարապետական հիմնական հուշարձանների ցանկում։ Տիլզիտի փոստային բաժանմունքի շենքը 1835 թվականին կառուցել է ճարտարապետ Կարլ Շինկելը։
 | |
|---|---|
 | |
| Տեսակ | տեսարժան վայր, շենք և ճարտարապետական հուշարձան |
| Երկիր |  Ռուսաստան |
| Տեղագրություն | Սովետսկ |
| Ճարտարապետական ոճ | ամպիր |
| Հիմնադրված է | 1835 |
| Ժառանգության կարգավիճակ | local cultural heritage site in Russia?[1] |
 | |
 | |
Պատմություն խմբագրել
1699 թվականին հիմնադրված Տիլզիտի փոստային բաժանմունքը ենթարկվել է Բեռլինի թագավորական փոստատանը։ 1832 թվականին փոստային բաժանմունքը Հոէշտրասում (այժմ` Հաղթանակի փողոց) ձեռք է բերել հողատարածք։ 1835 թվականին այն քանդելուց հետո կառուցվել է փոստային բաժանմունք։ Այս վայրում առաջին տունը կառուցվել է 1549 թվականին։ 1884 թվականից փոստը համարվել է կայսերական փոստային բաժանմունք, 1924 թվականից` պետական փոստային վարչություն։
Ճարտարապետություն խմբագրել
Շենքի արտաքին տեսքն ունի ռացիոնալություն, հստակ երկրաչափական հիմք, որը բնորոշ է նեոդասականությանը։ 1835 թվականից հիմնական ճակատը եղել է ռուստաշար, որը շենքին հաղորդում է ոչ միայն դեկորատիվ տեսք, այլ նաև պլաստիկություն։ 2010 թվականի ամռանը, կոսմետիկ վերանորոգման ժամանակ, այն ավերվել է։ Փոստի նախասրահում ուշադրություն է գրավում լուսային հորանը, որն ուղղված է դեպի պատուհանները։ Ստորին և վերին հարկաշարքերում հորանը ապակեպատված է։ Նախասրահի մուտքը զարդարված է հետաքրքիր փայտե փորագրություններով, որոնք պարունակում են անտիկ դեկորի տարրեր, կիսասյուներ և քառանկյուն հարթ որմնասյուներ, ծաղկապատվանդաններ և խոյակներ։ Երկու սիմետրիկ կիսասյուների վրա պատկերված են փոստային եղջերափողեր։
Համերգներ խմբագրել
1842 թվականի մարտի 15-ին փոստատան շենքում տեղի է ունեցել Ֆերենց Լիստի համերգը։ Նա շրջագայություններով ժամանել է Ռուսաստան։ Լիստը նվագել է տիլզիտյան ֆաբրիկայում ստեղծված գործիքի վրա։
Ծանոթագրություններ խմբագրել
Գրականություն խմբագրել
- Татьяна Урупина «Тильзитские доминанты» Советск, 2015.