Տարաս Շևչենկոյի հուշարձան (Յալթա)
Անվան այլ կիրառումների համար տե՛ս՝ Տարաս Շևչենկոյի հուշարձան (այլ կիրառումներ)
Տարաս Շևչենկոյի հուշարձան (ռուս.՝ Памятник Тарасу Шевченко, ուկրաիներեն՝ Пам'ятник Тарасу Шевченку), հուշարձան Ղրիմի Յալթա քաղաքում։ Կանգնեցվել է 2007 թվականին ուկրաինացի բանաստեղծ, գրող և նկարիչ Տարաս Շևչենկոյի պատվին` նրա անվան քաղաքային պուրակում[1][2]։
 | |
|---|---|
 Տարաս Շևչենկոյի հուշարձանը | |
 | |
 | |
| Տեսակ | հուշարձան |
| Ճարտարապետ | Լեո Մոլ |
| Ստեղծում | 2007 |
| Երկիր |  Ուկրաինա և  Ռուսաստան |
| Բնակավայր | Յալթա |
| Շինության ձև | քանդակ |
| Ներկա վիճակ | Կանգուն |
Պատմություն
խմբագրելՀուշարձանը պատրաստվել է 2005 թվականին «Տարաս Շևչենկոյի անվան հիմնադրամ» բարեգործական կազմակերպության նախաձեռնությամբ։ Հովանավորն էր դոկտոր Վասիլի Իվանիցկի - Նատալյա Բունձա ամուսնական զույգը Տորոնտոյից (Կանադա)։
Երիտասարդ բանաստեղծի հուշարձանի հեղինակն է Վինիպեգ քաղաքում բնակվող ուկրաինացի հայտնի քանդակագործ Լեո Մոլը, որը Շևչենկոյի հուշարձանների հեղինակն է Վաշինգտոնում, Բուենոս Այրեսում, Սանկտ Պետերբուրգում։
Բրոնզե հուշարձանը պատրաստվել է Արգենտինայում։ Նրա քաշը 2,5 տոննա է, բարձրությունը` 3 մետր[3]։ Արգենտինայից հուշարձանը նավով ուղարկվել է Օդեսա, այնուհետև տեղափոխվել Յալթա, որտեղ մոտ երկու տարի գտնվել է պահեստում, մինչև քաղաքային իշխանությունները տեղադրելու հարմար տեղ էին փնտրում քաղաքի կենտրոնում։ Այդ վայրը դարձավ կրկեսի մոտի պուրակը Մոսկովյան փողոցում, որը ստացավ Շևչենկոյի պուրակ պաշտոնական անվանումը[3]։
Բացման հանդիսավոր արարողության մասնակիցները նշել են «Ուկրաինայով և Ուկրաինայի համար ապրած մարդու նշանակալիությունը։ Ազգի հոգևոր բնույթը, նրա վերածնունդը և ձևավորումը անքակտելիորեն կապված են բազմազգ Ղրիմում մեր հարաբերությունների ներդաշնակության հետ»։ Հնչել են նաև երախտագիտության խոսքեր բոլոր նրանց, ովքեր ակտիվորեն մասնակցել են հուշարձանի ստեղծմանը, և նշվել է հուշարձանը հենց Յալթայում տեղադրելու խորհրդանշական լինելը. Յալթան այն «քաղաքն է, որն ամեն տարի աշխարհի տարբեր երկրներից այցելում են տասնյակ հազարավոր մարդիկ», որոնք հարգում և պատվում են ուկրաինական մշակույթը[1]։
Ծանոթագրություններ
խմբագրել- ↑ 1,0 1,1 «В Ялте открыт памятник Тарасу Шевченко» (ռուսերեն). В Ялте открыт памятник Тарасу Шевченко. Վերցված է 2017 թ․ հուլիսի 2-ին.
- ↑ «Ялта приобщилась к духовности и открыла памятник Шевченко» (ռուսերեն). www.segodnya.ua. Վերցված է 2017 թ․ հուլիսի 2-ին.
- ↑ 3,0 3,1 «В Ялте появится памятник Тарасу Шевченко». Վերցված է 2017 թ․ հուլիսի 2-ին.