Տատյանա Ալի (անգլ.՝ Tatyana Ali, հունվարի 24, 1979(1979-01-24)[1], Բրուքլին, Նյու Յորք, Նյու Յորք, ԱՄՆ), ամերիկացի դերասանուհի, պրոդյուսեր և երգչուհի։

Տատյանա Ալի
անգլ.՝ Tatyana Ali
Ծնվել էհունվարի 24, 1979(1979-01-24)[1] (45 տարեկան)
ԾննդավայրԲրուքլին, Նյու Յորք, Նյու Յորք, ԱՄՆ
ԿրթությունՀարվարդի համալսարան և Ուիլյամ Ֆլոյդի ավագ դպրոց
Քաղաքացիություն ԱՄՆ
Մասնագիտությունդերասանուհի, երգչուհի, մոդել, հեռուստատեսային դերասանուհի և կինոդերասանուհի
Ժանրերժամանակակից R&B
Ամուսին(ներ)Vaughn Rasberry?[2]
tatyanaalionline.com

Կենսագրություն խմբագրել

Ալին մեծ համբավ է ձեռք բերել «Արքայազնը Բևերլի Հիլզից» կատակերգական հեռուստասերիալում կատարած դերի շնորհիվ, որում նա նկարահանվել է 1990-1996 թվականներին։ Շոուի ավարտից հետո որոշել է կենտրոնանալ առաջին հերթին երաժշտական կարիերայի վրա և 1998 թվականին թողարկել է իր «Kiss The Sky» դեբյուտային ալբոմը, որն արժանացել է ոսկե հավաստագրի, իսկ «Daydreamin» երգը՝ նրա գլխավոր սինգլը, Billboard Hot 100 հիթ-շքերթում հասել է վեցերորդ հորիզոնականին[3]։ Դրանից բացի, 1990-ական թվականներին նա հայտնի էր դերասան Ջոնաթան Բրենդիսի հետ սիրավեպի շնորհիվ, որը մեծ աղմուկ էր հանել[3]։ Չնայած նրան, որ դեռահասության տարիքում, Ալին բավական հաջողության է հասել, 2000-ական թվականների սկզբին նրա վաղ կարիերան արագ անկում է ապրել, և 2002 թվականին նա ավարտել է Հարվարդի համալսարանը՝ ստանալով բակալավրի աստիճան[3]։

2007 թվականից սկսած՝ Ալին նկարահանվել է «Երիտասարդ և հանդուգն» սերիալում։ Ավելի վաղ նա հայտնվել էր մի քանի ֆիլմերում, ինչպիսիք են՝ «Եղբայրները» (2001) և «Խաղ ուրիշի կանոններով» (2006)։ Նա նաև նկարահանվել է «Սիրեք այս աղջկան» սիթքոմի գլխավոր դերում 2010-2012 թվականներին[4]։

2016 թվականի հուլիսի 17-ին Տատյանա Ալին ամուսնացել է Սթենֆորդի համալսարանում անգլերենի պրոֆեսորի օգնական, դոկտոր Վոն Ռասբերիի հետ, որի հետ սկսել էր հանդիպել հարսանիքից երկու տարի առաջ։ Զույգն ունի որդի՝ Էդվարդ Ազարդ Ռասբերին (ծնվել է 2016 թվականի սեպտեմբերի 16-ին)։ 2019 թվականի ապրիլի 13-ին հայտնի է դարձել, որ զույգն սպասում է երկրորդ երեխայի[5]։

Ծանոթագրություններ խմբագրել

  1. 1,0 1,1 Internet Broadway Database — 2000.
  2. Fresh Prince of Bel-Air's Tatyana Ali has tied the knotHampshire: 2016.
  3. 3,0 3,1 3,2 «Tatyana Ali- Biography». Yahoo!. Արխիվացված է օրիգինալից 2013 թ․ հունվարի 30-ին. Վերցված է 2012 թ․ դեկտեմբերի 23-ին.
  4. «'The Nanny' Cast: What '90s Stars Are Up To Today (PHOTOS)». The Huffington Post. Արխիվացված է օրիգինալից 2013 թ․ հունվարի 30-ին. Վերցված է 2012 թ․ դեկտեմբերի 23-ին.
  5. Fresh Prince of Bel-Air Star Tatyana Ali Expecting Second Child with Husband Vaughn Rasberry

Արտաքին հղումներ խմբագրել