Վոլլաստոն
Վոլլաստոն (անգլ.՝ Wollaston Lake), լիճ Կանադայի Սասկաչևան նահանգում։ Գտնվում է նահանգի հյուսիս-արևելքում։ Կանադայի խոշորագույն լճերից մեկը` 2286 կմ² ջրային մակերեսով, ընդհանուր մակերեսը` 2681 կմ², Սասկաչևանի նահանգի երրորդ ամենամեծ լիճն է[3]։ Լճի երկարությունը 70 մղոն (112 կմ) է, առավելագույն լայնությունը 25 մղոն (40 կմ)[4]։ Ծովի մակերևույթից ունի 398 մ բարձրություն։ Նոյեմբերից հունիս ընկած շրջանում լիճը սառչում է[5]։ 1800 թվականին Պիտեր Ֆիդլերի կողմից հայտնաբերվել է Վոլլաստոն լիճը, այնուհետև օգտագործվել է մորթու առևտրով զբաղվող առևտրականների կողմից որպես տրանսպորտային միջանցք, երկու գետի միջև ընկած ջրբաժանի միջով։ 1821 թվականին անվանվել է անգլիացի քիմիկոս Ուիլիամ Հայդ Վոլլաստոն և բևեռախույզ Ջոն Ֆրանկլինի կողմից։
| Վոլլաստոն | |
|---|---|
 | |
| Տեսակ | սառցադաշտային լիճ |
| Երկիր | .svg){kind=small} Կանադա[1] |
| Վարչատարածք | Սասկաչևան[1] |
| Երկարություն | 113 կմ |
| ԲԾՄ | 398 մետր |
| Խորություն | 71 մետր |
| Մակերես | 2286 կմ² |
| Ծավալ | 75 կմ³ |
| Ջրի պահման ժամանակ | 14 տարի[2] |
| Ջրահավաքի տարածք | Churchill river basin? |
| Ավազանի տարածք | 23 310 կմ² |
| Ավազանի երկիր | Կանադա[1] |
| Լիճ հոսող գետ | Geikie River? |
| Լճից հոսող գետ | Cochrane River?[1] |
 | |
 | |
Լճի ափին գտնվող միակ բնակավայրը նույնպես կոչվում է Վոլլաստոն Լեյք (մոտ 800 բնակիչ) և գտնվում է լճի արևելյան ափին։ Լճի մոտ է գտնվում ոչ մեծ Վոլլաստոն Լեյք օդանավակայանը։ Լճի արևմտյան ափով է անցնում բոլոր եղանակներին գործող 905 ավտոմայրուղին, տրանսպորտային հաղորդակցության հարմարավետության համար ձմռան ամիսներին լճի ափերը միավորվում են ձմեռնուղով։ Հիմնական սնումը Գիկ գետից է, որը հոսում հարավ-արևմուտում։
Վոլլաստոնը աշխարհի ամենամեծ լիճն է, որը գտնվում է ջրբաժանի վրա և, բնականաբար, հոսում է երկու տարբեր ավազանների՝ Մակենզի և Չերչիլ գետի վրայով։ Լճից հյուսիս-արևմուտք գտնվում է Ֆոնտ դե Լակ գետի, Բլեք Լեյքի, Աթաբասկայի և Մակենզիի միջով թափվում է Հյուսիսային օվկիանոս։ Լճի հյուսիսարևելյան անկյունից միանում է Կոչրան գետով դեպի Դեր լճին, այնուհետև Չերչիլ գետի համակարգի միջոցով Հուդզոնի ծովին[6]։
Լճում զարգացած է սպորտային և սիրողական ձկնորսությունը։ Հատկապես շատ են շիղաձկները, գայլաձկները, լճի կարմրախայտը, արկտիկական ձամբռիկը[7]։
Ծանոթագրություններ խմբագրել
- ↑ 1,0 1,1 1,2 1,3 http://www4.rncan.gc.ca/search-place-names/unique/HANMS
- ↑ http://wldb.ilec.or.jp/Details/Lake/SNAM-143
- ↑ «Атлас Канады (таблицы крупных озёр по провинциям и другая информация)» (անգլերեն). Արխիվացված է օրիգինալից 2013 թ․ հունվարի 14-ին. Վերցված է 2010 թ․ օգոստոսի 20-ին.
- ↑ Encyclopedia Canadiana, Grolier of Canada Limited, Toronto-Ottawa-Montreal, 1967, Volume 10, page 350
- ↑ «База данных по озёрам мира Международного комитета по проблемам озёр (Word Lake Database, International Lake Environment Committee)». Արխիվացված է օրիգինալից 2016 թ․ փետրվարի 19-ին. Վերցված է 2015 թ․ դեկտեմբերի 18-ին.
- ↑ «Canadian Encyclopedia». www.thecanadianencyclopedia.com. Արխիվացված է օրիգինալից 2011 թ․ հունիսի 7-ին. Վերցված է 2019 թ․ մայիսի 24-ին.
- ↑ «Canada Fishing Online. Wollaston Lake». Արխիվացված է օրիգինալից 2011 թ․ հոկտեմբերի 9-ին.
 | Վիքիպահեստն ունի նյութեր, որոնք վերաբերում են «Վոլլաստոն» հոդվածին։ |