Վլադիմիր Վարկովիցկի

Վլադիմիր Ալեքսանդրովիչ Վարկովիցկի (դեկտեմբերի 19 1915 (հունվարի 1 1916), Օդեսա, Խերսոնի նահանգ, Ռուսական կայսրություն - հոկտեմբերի 9, 1974(1974-10-09), Մոսկվա, ԽՍՀՄ), բալետի ռուս խորհրդային արտիստ, բալետմայստեր, մանկավարժ։

Վլադիմիր Վարկովիցկի
Ծնվել է	դեկտեմբերի 19 1915 (հունվարի 1 1916)
Ծննդավայր	Օդեսա, Խերսոնի նահանգ, Ռուսական կայսրություն
Մահացել է	հոկտեմբերի 9, 1974(1974-10-09) (58 տարեկան)
Մահվան վայր	Մոսկվա, ԽՍՀՄ
Գերեզման	Վվեդենսկոե գերեզմանատուն
Գիտական աստիճան	արվեստագիտության թեկնածու
Մասնագիտություն	գրող, բալետի պարող, բալետմայստեր, բալետի ուսուցիչ և լիբրետիստ
Պարգևներ և մրցանակներ

1936 թվականին Լենինգրադի պարարվեստի ուսումնարանն ավարտելուց հետո՝ Լենինգրադի Կիրովի անվան օպերայի և բալետի թատրոնի մենապարող։ 1937 թվականից սկսել է բալետմայստերական գործունեությունը։ 1941-1943 թվականներին եղել է Լենինգրադի օպերային փոքր թատրոնի բալետային խմբի գեղարվեստական ղեկավարը, 1953-1955 թվականներին՝ Երևանի օպերայի և բալետի թատրոնի բալետմայստեր, ուր բեմադրել է՝ «Խանդութ» (ըստ Ապենդիարյանի երաժշտության, 1953), Չայկովսկու «Կարապի լիճը» (1954 թվական) և այլն։ Մոլդովական օպերայի և բալետի թատրոնում Վարկովիցկին բեմադրել է Զագորսկու «Արշալույս»-ը (1960 թվական)։ 1937 թվականից զբաղվել է նաև մանկավարժությամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։