Վիտյա Չերևիչկինի անվան մանկական զբոսայգի

<img src="//upload.wikimedia.org/wikipedia/commons/thumb/4/4d/Nuvola_apps_kview.png/20px-Nuvola_apps_kview.png" decoding="async" width="20" height="20" class="mw-file-element" data-file-width="128" data-file-height="128"> Արտաքին պատկերներ
<img src="//upload.wikimedia.org/wikipedia/commons/thumb/6/61/Searchtool.svg/15px-Searchtool.svg.png" decoding="async" width="15" height="15" class="mw-file-element" data-file-width="512" data-file-height="512">	Կոթող զբոսայգու անվանումով
<img src="//upload.wikimedia.org/wikipedia/commons/thumb/6/61/Searchtool.svg/15px-Searchtool.svg.png" decoding="async" width="15" height="15" class="mw-file-element" data-file-width="512" data-file-height="512">	Վիտյա Չերևիչկինի կիսանդրին

Վիտյա Չերևիչկինի անվան մանկական զբոսայգի; ռուս.՝ Детский парк имени Вити Черевичкина
Տեսակ	մանկական զբոսայգի
Երկիր	Ռուսաստան
Վարչատարածք	Դոնի Ռոստով
Տեղագրություն	Խորհրդային փողոց
Հիմնվել է	1880 թվական

Վիտյա Չերևիչկինի անվան մանկական զբոսայգի (ռուս.՝ Детский парк имени Вити Черевичкина), Ռուսաստանի Դոնի Ռոստով քաղաքի զբոսայգիներից մեկը։ Միակ մանկական զբոսայգին քաղաքում։ Գտնվում է քաղաքի կենտրոնում, առափից ոչ հեռու, Խորհրդային փողոցում^[1]։

Պատմություն և գործունեություն խմբագրել

Ալեքսանդրի զբոսայգին մինչև հեղափոխությունը

Ալեքսանդրի սյունը

Զբոսայգին հիմնադրվել է 1880 թվականին^[2]։ Նրա պատմական անունը` Ալեքսանդրի զբոսայգի, ընդունվել է Նոր Նախիջևանի քաղաքային դումայի որոշմամբ ի պատիվ «Նրա Կայսերական Մեծություն Օգոստոսափառ Միապետ Կայսր Ալեքսանդր II-ի գահակալության 25-ամյակի փառահեղ օրվա»^[3]։ 1894 թվականին այստեղ տեղադրվել է Ալեքսանդրի սյունը`Սանկտ Պետերբուրգի Ալեքսանդրի սյան (ստեղծված իտալացի ճարտարապետ Տոնետտիի կողմից` Նիկոլայ Դուրբախի նախագծով) 11-մետրանոց պատճենը։ 1994 թվականին գրանիտե պատճենին վերադարձվել են խորհրդային տարիներին հեռացված հուշատախտակները և սյունը պսակող երկգլխանի արծիվը։ Ներկայումս սյունն ունի մշակութային ժառանգության տեղական նշանակության օբյեկտի կարգավիճակ։

1936 թվականից զբոսայգին կոչվել է «Պիոներների և դպրոցականների մանկական զբոսայգի»^[3]։ Այնտեղ եղել են կամրջակներով ջրանցք և մեծ բեմ ներկայացումների համար։ 1965 թվականից զբոսայգին կոչվում է գերմանական զավթիչների կողմից սպանված ռոստովցի դեռահաս Վիտյա Չերևիչկինի (1925-1941) անունով։ Ավելի վաղ, 1961 թվականին, զբոսայգում տեղադրվել է նրա կիսանդրին, որի հեղինակը ռոստովահայ քանդակագործ Նիկոլայ Վահանի Ավետիքովն է։

Վիտյա Չերևիչկինի անվան մանկական զբոսայգին միակ մանկական զբոսայգին է ոչ միայն Դոնի Ռոստովում, այլև Ռոստովի մարզում։ Նախատեսված է նախադպրոցական և դպրոցական տարիքի երեխաների համար։ Այստեղ գտնվում են զվարճանքների մանկական ավանը, մանկական բատուտը, ջրաշխարհը և նրան կից «Շխունա» մանկական խաղային համալիրը։ Քաղաքի նորապսակները երջանկության համար սկսել են զբոսայգու անցումային կամրջակին կախել կողպեքներ, ինչի շնորհիվ այն ստացել է նոր անվանում` «Սիրո և երջանկության կամրջակ»։

2000 թվականին Դոնի Ռոստովի մշակույթի վարչության աջակցությամբ իրականացվել է զբոսայգու վերակառուցումը. տեղադրվել են մանկական նոր խաղահրապարակներ, իրականացվել է զբոսայգու լուսավորման նախագիծը, նրա ճեմուղիները սալարկվել են^[3]։

Ծանոթագրություններ խմբագրել

↑ «Парк им. Вити Черевичкина». Արխիվացված է օրիգինալից 2018 թ․ օգոստոսի 2-ին. Վերցված է 2017 թ․ ապրիլի 18-ին.
↑ Детский парк имени Вити Черевичкина
↑ ^3,0 ^3,1 ^3,2 «Детский парк им. Вити Черевичкина». Արխիվացված է օրիգինալից 2018 թ․ հուլիսի 22-ին. Վերցված է 2017 թ․ ապրիլի 18-ին.

Արտաքին հղումներ խմբագրել

Детский парк имени Вити Черевичкина
История и легенды Ростова: от Александровского сада до парка им. Արխիվացված 2017-04-12 Wayback Machine Вити Черевичкина Արխիվացված 2017-04-12 Wayback Machine
www.360cities.net/image/cherevichkin Панорама парка

[1] «Парк им. Вити Черевичкина». Արխիվացված է օրիգինալից 2018 թ․ օգոստոսի 2-ին. Վերցված է 2017 թ․ ապրիլի 18-ին.

[2] Детский парк имени Вити Черевичкина

[rodb-3] 3,0 ^3,1 ^3,2 «Детский парк им. Вити Черевичкина». Արխիվացված է օրիգինալից 2018 թ․ հուլիսի 22-ին. Վերցված է 2017 թ․ ապրիլի 18-ին.

[1]

[2]

[3]