Վիկտոր Պոնեդելնիկի արձան (Դոնի Ռոստով)
Վիկտոր Պոնեդելնիկի արձան (ռուս.՝ Памятник Виктору Понедельнику), նաև` «Ֆուտբոլիստ» քանդակ (ռուս.՝ скульптура «Футболист»), բրոնզե քանդակագործական կոմպոզիցիա[1], որը տեղադրված է Դոնի Ռոստովի «Օլիմպ-2» մարզադաշտի մերձակայքում[2]։ Բացվել է 2015 թվականին ի պատիվ ֆուտբոլիստ Վիկտոր Պոնեդելնիկի, որը 1960 թվականի Եվրոպայի գավաթի եզրափակչում դարձել է վճռորոշ գոլի հեղինակ[1]։
Վիկտոր Պոնեդելնիկի արձան | |
---|---|
Տեսակ | հուշարձան |
Բարձրություն | 2 մետր |
Երկիր | Ռուսաստան |
Բնակավայր | Դոնի Ռոստով |
Նյութ | բրոնզ |
Ներկա վիճակ | կանգուն |
Արտաքին պատկերներ | |
---|---|
Վիկտոր Պոնեդելնիկի արձանի լուսանկարներ |
Պատմություն խմբագրել
2013 թվականին Դոնի Ռոստովում Ռոստովի մարզի սպորտի նախարարության նախաձեռնությամբ կազմակերպվել է հայտնի ֆուտբոլիստ Վիկտոր Պոնեդելնիկի քանդակը ստեղծելու մրցույթ։ Նույն թվականի օգոստոսին ռոստովցի քանդակագործ Դմիտրի Լինդինին առաջարկեցին մասնակցել մրցույթին։ Սեպտեմբերին քանդակագործը ներկայացրեց իր աշխատանքի կավե նմուշը։ Նրա հետ մրցում էին 3 այլ մասնակիցներ։ Կազմակերպվեց հանձնաժողով, որի կազմում ընդգրկվել էին փոխմարզպետ Սերգեյ Գորբանը, ֆուտբոլիստ Վիկտոր Պոնեդելնիկը և Ռոստովի մարզի սպորտի նախարար Յուրի Բալանխինը։ Մրցույթում հաղթեց Դմիտրի Լինդինի տարբերակը։ Միակ շտկումը, որ պետք է քանդակագործն աներ իր աշխատանքում, եղել է ֆուտբոլային զանկապանների բարձրությունը. այն պետք է երկարացվեր։
Բրոնզե քանդակի ստեղծումը տևել է 2 ամիս` 2013 թվականի սեպտեմբերից նոյեմբեր։ Նյութերի ինքնարժեքը գնահատվել է 750 հազար ռուբլի, քանդակագործն ու ձուլողները աշխատանքի համար գումար չեն պահանջել[1]։ Քանդակի բարձրությունը 2 մետր է[3]։ Սկզբնապես արձանի տեղադրման ամսաթիվը հայտարարվել էր 2014 թվականի գարունը։ Բայց ֆինանսական նրբությունների` նյութերի վրա ծախսվող գումարի հատուցման պատճառով բացումը հետաձգվել էր անորոշ ժամանակով։ 2014 թվականի հուլիսին հայտնի դարձավ, որ 96,5 հազար ռուբլին հավաքվել է և տրամադրվել արձանի կառուցմանը ֆուտբոլի վետերանների և ֆուտբոլի Դոնի ֆեդերացիայի կողմից։
Դոնի սպորտի նախարարը հայտարարել է, որ որոշվել է արձանի տեղադրումը և բացումը հարմարեցնել այն օրվան, երբ կկայանա «Ռոստով» ՖԱ-ի առաջին հանդիպումը ՈՒԵՖԱ-ի Եվրոպայի լիգայում։ Արձանը որոշվեց տեղադրել «Օլիմպ-2» մարզադաշտի մերձակայքում[1]։ Ֆուտբոլիստ Վիկտոր Պոնեդելնիկի արձանի բացումը, որը հաճախ անվանում են նաև «Ֆուտբոլիստ» քանդակ, տեղի է ունեցել 2015 թվականի օգոստոսի 28-ին[4]։ Հանդիսավոր արարողությանը ներկա է եղել Ռոստովի մարզի մարզպետի տեղակալ Իգոր Գուսկովը[2]։
Ծանոթագրություններ խմբագրել
- ↑ 1,0 1,1 1,2 1,3 «На памятник легенде футбола Дона нет денег». Արխիվացված է օրիգինալից 2017 թ․ հոկտեմբերի 19-ին. Վերցված է 2017 թ․ մարտի 15-ին.
- ↑ 2,0 2,1 В Ростове торжественно открыта скульптура «Футболист»
- ↑ «Виктор Понедельник назвал ростовский памятник себе «деревенской работой»». Արխիվացված է օրիգինալից 2017 թ․ հոկտեմբերի 19-ին. Վերցված է 2017 թ․ մարտի 15-ին.
- ↑ «В Ростове-на-Дону открыли скульптурную композицию «Футболист»». Արխիվացված է օրիգինալից 2017 թ․ հոկտեմբերի 22-ին. Վերցված է 2017 թ․ մարտի 15-ին.