Վիկտոր Կոնոպլյով
Վիկտոր Վալերիի Կոնոպլյով (1969, մարտի 22, Մալորիտա, Բրեստի շրջան, Բելառուս), ռուս բանաստեղծ։ Արցախի հիմնի գրական ռուսերեն թարգմանության հեղինակը։
Վիկտոր Կոնոպլյով | |
---|---|
Ծնվել է | մարտի 22, 1969 (55 տարեկան) |
Ծննդավայր | Մալորիտա Բելառուս |
Ազգություն | ռուս |
Մասնագիտություն | բանաստեղծ |
Կենսագրություն խմբագրել
Վիկտոր Կոնոպլյովը ծնվել է Բելառուսի Մալորիտա քաղաքում, ապրում և ստեղծագործում է Նիժնի Նովգորոդում։ 1994 թվականին ավարտել է ՌԴ կառավարությանն առընթեր Վոլգո-Վյատսկի պետական ծառայության ակադեմիան։ Համալսարանական վկայագրեր է ստացել «Կառավարման գործի հոգեբանություն», «Ինտեգրացված կառավարման համակարգի ձևավորման հիմքերը», «Հայաստանի պատմություն», «Հայկական երաժշտության պատմություն»դասընթացների ուսումնասիրության համար։ Ակտիվ կերպով զբաղվում է հասարակական գործունեությամբ՝ միջհայկական և ռուս-հայկական կապերի ստեղծման և ամրապնդման, Հայոց ցեղասպանության ճանաչման հարցի առաջխաղացման և ԼՂՀ ճանաչման ոլորտում[1][2]։
Գրական և լրագրողական գործունեությունը սկսել է 1983 թվականից։ «Среда обитания», «Нижегородские армяне» (2009), «Армяне в мире» (2010) համացանցային նախագծերի հեղինակն է։ Տպագրվել է բազմաթիվ ինտերնետային և տպագիր մամուլի համարներում, ժողովածուներում։ 1989 թվականից Կոլչուգինսկի «ԳՌԱՄՄ» ստեղծագործական խմբի անդամ է։ 1993 թվականին Վիկտոր Կոնապլյովի բանաստղծությունների հիման վրա Սերգեյ Դանիլովը երաժշտություն է գրել և թողարկել «Не люби меня» (Մի սիրիր ինձ) ձայնասկավառակը։ 2002 թվականին Ռուսաստանի գրողների միության Նիժեգորոդյան բաժնի մասնակցությամբ լույս է տեսել «Состояние любви» (Սիրո վիճակ) առաջին գրքույկը։ 2011 թվականին «Любить Армению по-русски» բանաստեղծությունն ընդգրկվել է Հայաստանի ավագ դպրոցների 12-րդ դասարանի ռուսերենի դասագրքերի մեջ։ 2013 թվականից Լեռնային Ղարաբաղի գրողների միության պատվավոր անդամ է[3], 2014 թվականից՝ Սանկտ-Պետերբուրգի գրողների քաղաքային և գրողների Միջազգային միության անդամ[4]։ 2015 թվականից «La Filológica por la Causa» միջազգային բանասիրական հասարակության անդամ է։
Ստեղծագործություններ խմբագրել
- «Սիրո բնորոշումներ» (Состояния любви, 2002)
- «40» (2009)
- «Հայաստանը սիրո աղբյուր» (2013)
Պարգևներ, մրցանակներ խմբագրել
- Ազգային գրական ցանցի՝ գրաքննադատության մրցույթի դիպլոմ, 2004 թ.
- «Ռուսաստանի ոսկե գրիչ» դիպլոմ, 2006 թ.
- ՀՀ Սփյուռքի նախարարության պարգև, 2010 թ.
- «Արցախի Պետական Համալսարանի 40 ամյակ»-ի մեդալ, 2011 թ.
- ԼՂՀ Քաշաթաղի շրջանի Ադմինիստրացիայի պատվոգիր, 2012 թ.
- Զոհված Ազատամարտիկների Միության «Մայրական երախտագիտություն» մեդալ
- «Ռուսաստանի հայերի միության 10-ամյակի մեդալ», 2014 թ.
- «Գևորգյան մարտարվեստի դպրոցի» շնորհակալագիր, 2014 թ.
- «Ղարաբաղի ազգային-ազատագրական շարժման 25-ամյակի» մեդալ, 2015 թ.
- «Լերմոնտովի 200-ամյա հիշատակի մեդալ», 2015 թ.
Ծանոթագրություններ խմբագրել
- ↑ Ռուսաստանն արդյոք ճանաչե՞լ է Հայոց ցեղասպանությունը։ Բարոյա-էթիկական տեսանկյուն
- ↑ «Виктор Коноплев: Высший приоритет для меня – дружба наших народов». Արխիվացված է օրիգինալից 2017 թ․ հունիսի 18-ին. Վերցված է 2016 թ․ մարտի 3-ին.
- ↑ Российский поэт Виктор Коноплев и Вера Таривердиева в гостях у президента Арцаха
- ↑ Виктор Коноплев: в Азербайджане культивируется ненависть к армянам с детских лет, в этой стране героизируют убийц