Վիլլա Բալբիանելո

Վիլլա Բալբիանելո
Երկիր`	Իտալիա

Վիլլա Բալբիանելո (իտալերեն՝ Villa del Balbianello), վիլլա Իտալիայի Կոմո գավառի Լենո կոմունայում։ Վիլլայից տեսարան է բացվում դեպի Կոմո լիճ։ Տեղակայված է Կոմո լճի արևմտյան ափի հարավարևմտյան հատվածում՝ անտառապատ թերակղզու գագաթին, ոչ հեռու Կոմաչինա թերակղզուց և հայտնի է իր մշակված տեռասային այգիներով։

ՊատմությունԽմբագրել

Վիլլան կառուցվել է 1787 թվականին կարդինալ Անգելո Մարիա Դուրինիի համար կառուցված Ֆրանցիսկական մենաստանի տեղում։ Երկու աշտարակները մենաստանի եկեղեցու զանգակատուն են։ 1796 թվականին կարդինալի մահից հետո վիլլան անցել է նրա զարմիկին՝ Լուիջի Պոռո Լամբերտենգիին։ Վիլլայում Լամբերտենգին հյուրընկալել է գրող, դրամատուրգ և պատրիոտ Սիլվիո Պելիկոյին, ով դասավանդել է Լամբերտենգիի որդիներին։ Երբ Լամբերտենգիին ստիպեցին հեռանալ Իտալիայից, նա վաճառեց վիլլան ընկերոջը՝ Ջուզեպպե Վիսկոնտի դի Մոդրոնեին, ով Լուկինո Վիսկոնտիի քավորն էր^[1]։ Վիսկոնտին բարելավել է այգիներն ու լոջիան։

20-րդ դարի սկզբում կառույցն անուշադրության է մատնվել և այն գնել է ամերիկացի գործարար Բաթլեր Ամեսը և վերանորոգել վիլլան ու այգին։ 1974 թվականին Ամեսի ժառանգները վիլլան վաճառել են հետախույզ Գուիդո Մոնցինոյին (Էվերեստը մագլցած առաջին արշավախմբի առաջնորդն է), ով վիլլան հարստացրել է իր արշավաքների ընթացքում ձեռքբերած հավաքածուներով։ 1988 թվականին Մոնցինոյի մահից հետո վիլլան անցել է պետական խնամակալության ներքո (Fondo per l'Ambiente Italiano, the National Trust of Italy) և կազմում է Grandi Giardini Italiani-ի մաս։

Վիլլան ֆիլմերումԽմբագրել

Վիլլայում են նկարահանվել մի շարք լիամետրաժ ֆիլմեր, այդ թվում՝ «Մեկ ամիս լճի մոտ» (1995), «Նրա ժառանգությունը», Կազինո Ռոյալ (2006), «Աստղային պատերազմներ։ Էպիզոդ II։ Կլոնների հարձակումը» (2002)։