Վերիայի հնագիտական թանգարան
Վերիայի հնագիտական թանգարան , Մակեդոնիայի ամենահայտնի հնագիտական թանգարաններից մեկը։ թանգարանը բացվել է 1965 թվականին՝ Կենտրոնական Մակեդոնիայի Վերիա քաղաքի Էլաի[1] թաղամասի՝ հատուկ այդ նպատակով կառուցված շենքում։ նեոլիթյան և մինչօսմանյան ժամանակաշրջանների գտածոները ցուցադրվում են երեք սրահներում։
Վերիայի հնագիտական թանգարան | |
---|---|
Տեսակ | հնագիտական թանգարան |
Երկիր | Հունաստան |
Տեղագրություն | Վերիա |
Հիմնադրվել է | 1965 |
Կայք | odysseus.culture.gr/h/1/gh152.jsp?obj_id=3298 |
Թանգարան խմբագրել
Նեոլիթյան գտածոները Նոր Նիկոմիդիայի բնակավայրերից են գտնվել, որը եթե Եվրոպայի ամենահին մշտական բնակավայրերից չէ՝ որոշ գնահատականների համաձայն, ապա ծայրահեղ դեպքում ամենահներից մեկն է (թվագրվում ՝ մ.թ.ա. 6250-6050 թվականներ)[2][3]։ Ռ. Ջ. Ռոդենը, ով այստեղ պեղումներ է անցկացրել 1961, 1963 թվականներին[4][5], կարծում է, որ սա «Եվրոպայում մինչ օրս հայտնաբերված ամենահին նեոլիթյան համայնքն է», և նշում է, որ չնայած Հունաստանից դեպի արևելք նմանատիպ գտածոներ շատ կան նեոլիթյան այլ բնակավայրերում, բայց այս բնակավայրն ունի «իր բացառապես եվրոպական բնութագրիչները»։ Ռադիոկարբոնային վերլուծությունը տարեթվերը տալիս է մ.թ.ա. 6650-6150[5] թվականների միջև։ Երկաթի դարի գտածոները գտնվել են Վերգինայի դամբարաններից։
Առաջին սրահում ցուցադրված են մ.թ.ա. IV դարի բրոնզե «կալպիս»-ներ (աճյունով սափորներ), կերչենյան տեսակի, կարմիր պատկերներով կրատեր անոթներ (մ.թ.ա. IV դար), բրոնզե հիդրիա, որը մ.թ.ա. IV դարում օգտագործվել է որպես թաղման սափոր (գտնվել է Վերիայի հյուսիսարևելյան գերեզմանատանը), և Վերիայում պեղված, հելլենական ժամանակշրջանի միապալատ, քարե գերեզման։ Մյուս ցուցադրափեղկերում ցուցադրվում են այն գտածոների խմբերը, որոնք գտնվել են Վերիայի հյուսիսարևելյան, հարավարևելյան, հարավարևմտյան գերեզմանատներում։ Գտածոների այս խմբերը ցուցադրում են կերամիկայի զարգացումը մ.թ.ա. V դարից մինչև մ.թ.ա. II դարը։ Երկրորդ սրահը հիմնականում ներառում է Վերիայից գտնված տապանաքարեր և մ.թ.ա. I դարի հելլենական ու հռոմեական բարձրաքանդակներ։ Հատուկ ուշադրության է արժանի այն տապանաքարը, որի վրա է Հիմնասիարքի օրենքը և բնութագրում է՝ գիմնասիոններում ինչպես է իրականացվել միջնակարգ և բարձրագույն կրթությունը, և Վերգինայից գտնված որսորդի ու վարազի խումբը , որը հանդիսանում է մ.թ.ա. III դարի գերեզմանային հուշաքարի ճարտարապետական դեկորացիայի հատված։ Երրորդ սրահը ներաում է հռոմեական ժամանակաշրջանի ցուցադրանմուշներ, որոնցից ամենահայտնին մ.թ.ա. II դարի գետերի աստված Օլգանոսի կիսանդրին է՝ մ.թ.ա. II դարի, որը գտնվել է Կոպանոսում։ Այստեղ նաև տեղադրված են ամուսնական զույգի տապանաքարեր, որոնք գտնվել են Վերիայում (մ.թ.ա. II դար), հռոմեական ժամանակաշրջանի սգո նվիրաբերություն (մ.թ.ա. III դար) և թրծակավե կերպարներ՝ հռոմեական դամբարաններից[6]։
Թանգարանի շենքից դուրս գտնվում են սարկոֆագներ, տապանաքարեր, արձաններ, որոնցից ամենատպավորիչը հունական դիցաբանության Մեդուզա Գորգոնայի գլուխն է (մ.թ.ա. II դար)[7], որը կառուցվել է քաղաքի հյուսիսային պատի մեջ[8][9]։
-
Թանգարանի արտաքին տեսքը
-
Երկրորդ սրահի տեսքը
-
Գետերի տեղական աստված Օլգանոս
-
Որսորդի և վարազի խումբ
-
Բրոնզե հիդրիա՝ կալպիս
Ծանոթագրություններ խմբագրել
- ↑ «Veriorama - Μουσείο: Αρχαιολογικό Μουσείο Βεροίας». Արխիվացված է օրիգինալից 2013 թ․ մայիսի 1-ին. Վերցված է 2013 թ․ ապրիլի 28-ին.
- ↑ «Nεολιθικός οικισμός της Ν. Νικομήδειας» (Greek). Imathia Regional Unit official website. Արխիվացված է օրիգինալից 2013 թ․ մայիսի 1-ին. Վերցված է 2012 թ․ հոկտեմբերի 19-ին.
{{cite web}}
: CS1 սպաս․ չճանաչված լեզու (link) - ↑ R.J. Rodden and K.A. Wardle, Nea Nikomedia: The Excavation of an Early Neolithic Village in Northern Greece 1961—1964, Vol I, The Excavation and the Ceramic Assemblage, British School at Athens Supplementary Volume 25, 1996
- ↑ «Nea Nikomedeia». Foundation of the Hellenic World. Արխիվացված է օրիգինալից 2013 թ․ մայիսի 1-ին. Վերցված է 2012 թ․ հոկտեմբերի 17-ին.
- ↑ 5,0 5,1 Souvatzi, Stella G. (2008 թ․ ապրիլի 14). A Social Archaeology of Households in Neolithic Greece: An Anthropological Approach. Cambridge University Press. էջ 64. ISBN 978-0-521-83689-0. Վերցված է 2012 թ․ հոկտեմբերի 17-ին.
- ↑ «Akalanthis.gr/Αρχαιολογικό μουσείο Βέροιας». Արխիվացված է օրիգինալից 2013 թ․ մայիսի 1-ին. Վերցված է 2013 թ․ ապրիլի 28-ին.
- ↑ «Αρχαιολογικό Μουσείο». Արխիվացված է օրիգինալից 2013 թ․ մայիսի 1-ին. Վերցված է 2013 թ․ ապրիլի 28-ին.
- ↑ Museums of Macedonia web site
- ↑ «Creative CommonsAttribution-Share Alike 3.0 Unported license». Արխիվացված է օրիգինալից 2016 թ․ ապրիլի 24-ին. Վերցված է 2018 թ․ օգոստոսի 15-ին.
Արտաքին հղումներ խմբագրել
- Museums of Macedonia(չաշխատող հղում)
- Greek Ministry of Culture site Արխիվացված 2012-11-15 Wayback Machine
Վիքիպահեստն ունի նյութեր, որոնք վերաբերում են «Վերիայի հնագիտական թանգարան» հոդվածին։ |