Վասակ Թորոյան
- Վիքիպեդիայում կան հոդվածներ Թորոյան ազգանունով այլ մարդկանց մասին։
Վասակ Հովհաննեսի Թորոյան (ապրիլի 7, 1949[1], Շղարշիկ, Թալինի շրջան, Հայկական ԽՍՀ, ԽՍՀՄ), հայ տնտեսագետ։ Տնտեսագիտության թեկնածու[2], ֆիզիկա-մաթեմատիկական գիտությունների դոկտոր, պրոֆեսոր (1998):
| Վասակ Թորոյան | |
|---|---|
| Ծնվել է | ապրիլի 7, 1949[1] (75 տարեկան) |
| Ծննդավայր | Շղարշիկ, Թալինի շրջան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան (1971) |
| Կոչում | պրոֆեսոր |
| Գիտական աստիճան | տնտեսագիտական գիտությունների թեկնածու և ֆիզիկամաթեմատիկական գիտությունների դոկտոր |
| Մասնագիտություն | տնտեսագետ |
Կենսագրություն խմբագրել
Վասակ Թորոյանը ծնվել է 1949 թվականի ապրիլի 7-ին, Արագածոտնի մարզի Շղարշիկ գյուղում։ 1971 թվականին ավարտել է Երևանի պետական համալսարանի մեխմաթեմատիկայի ֆակուլտետը։ 1980-1987 թվականներին եղել է ԵՊՀ տնտեսագիտության ֆակուլտետի ասիստենտ, 1987-1998 թվականներին՝ դոցենտ, 1998-2011 թվականներին՝ ԵՊՀ մաթեմատիկայի ֆակուլտետի պրոֆեսոր[3]։ 1991-2002 թվականներին եղել է Երևանի պետական համալսարանի տնտեսագիտության ֆակուլտետի Տնտեսության մաթեմատիկական մոդելավորման ամբիոնի վարիչ, 2006 թվականի հունվար-փետրվարին՝ Հայաստանի կենտրոնական բանկի Դինամիկ ստոխաստիկ ընդհանուր հավասարակշռության մոդելների կիրառության փորձագետ։ 2011 թվականից Հայաստանի պետական տնտեսագիտական համալսարանի Գյումրու մասնաճյուղի պրոֆեսոր[4]։
Աշխատանքները վերաբերում են ներդրումային ծրագրերի տնտեսամաթեմատիկայի մոդելավորման, անցումային շրջանի տնտեսական կարգավորման հարցերին։
Անդամակցություն խմբագրել
- Տնտեսագիտության մասնագիտական խորհուրդների անդամ (1985)։
- ՀՀ արժեթղթերի հանձնաժողովի անդամ (2002-2006)։
- ՀՀ տնտեսական մրցակցության պաշտպանության պետական հանձնաժողովի անդամ (2006-2011)։
Երկեր խմբագրել
- Մի քանի հարցեր գծային հավասարումների և անհավասարությունների համակարգերի ոչ բացասական և դրական լուծումների գոյության վերաբերյալ, ուսումնաօժանդակ ձեռնարկ, Երևան, 1986։
- Անցումային շրջանի տնտեսական կարգավորման ծրագրանպատակային հայեցակետը, Երևան, 1997[5]։
Ծանոթագրություններ խմբագրել
- ↑ 1,0 1,1 http://am.hayazg.info/index.php?curid=11519
- ↑ «Մաթեմատիկայի և մեխանիկայի ֆակուլտետ». ysu.am. Վերցված է 2020 թ․ մարտի 22-ին.
- ↑ «Վասակ Հովհաննեսի Թորոյան». ysu.am. Վերցված է 2020 թ․ մարտի 22-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ Թորոյան, Վասակ Հովհաննեսի (1997). «Անցումային շրջանի տնտեսության կարգավորման ծրագրանպատակային հայեցակետը։ Ատենախոսություն - Ը.00.02- «Տնտեսության և նրա ճյուղերի էկոնոմիկա, կազմակերպում և կառավարում», Ը.00.08 - «Տնտեսագիտամաթեմատիկական մեթոդներ» մասնագիտություններով տնտեսագիտության դոկտորի գիտական աստիճանի հայցման համար». Երևան.
{{cite journal}}: Cite journal requires|journal=(օգնություն)
 | Վիքիդարանն ունի նյութեր, որոնք վերաբերում են «Վասակ Թորոյան» հոդվածին։ |