Վանք (Արաբկիրի գավառ)

Անվան այլ կիրառումների համար տե՛ս՝ Վանք (այլ կիրառումներ)

Վանք, գյուղ Արևմտյան Հայաստանում, Խարբերդի վիլայեթի Արաբկիրի գավառակում։ Գտնվում էր Արաբկիր քաղաքից 15 կմ հարավ-արևելք, Եփրատ գետի ձախ կողմում, գեղեցիկ և ջրառատ վայրում։

Գյուղ
Վանք
Վարչական տարածք	Արևմտյան Հայաստան
Վիլայեթ	Խարբերդի վիլայեթԽարբերդի վիլայեթ
Գավառակ	Արաբկիրի գավառակ
Այլ անվանումներ	Վանկ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Պատմություն

Գյուղը երեք կողմերից շրջապատված է ժայռերով, ուներ շրջապարիսպ և 2 դուռ։

Գյուղն ավերվել, հայ բնակչություն կոտորվել կամ բռնությամբ մուսուլմանացվել է 1895 թվականի ջարդերի և 1915 թվականի Մեծ եղեռնի ժամանակ։

Բնակչություն

1885 թվականին ուներ 180 հունադավան հայ և մի քանի թուրք բնակիչ։

Տնտեսություն

Բնակչության հիմնական զբաղմունքը անասնապահություն, երկրագործությունն ու այգեգործությունն էր։ Շատերը պանդխտում էին Պոլսում։

Պատմամշակութային կառույցներ

Վանքն ուներ Ս. Գևորգ անունով եկեղեցի և Ս. Սարգիս անունով մատուռ։ Գյուղի դիմաց կար ավերակ բերդ, իսկ շրջակայքում՝ քարայրներ և ժայռափոր մատուռներ։ Քարայրներից մեկում պահպանվել էր հունարեն վիմագիր արձանգրություն։

Կրթություն

Գյուղն ուներ վարժարան, որտեղ սովորում էին 20-35 տղաներ և աղջիկներ։

Տես նաև

• Խարբերդի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն