Վահրամ Ներսիսյանց

Վահրամ Վրույրի Ներսիսյանց (հուլիսի 17, 1940(1940-07-17), Թեհրան, Իրան), հայ տնտեսագետ, ՀՀ պետական և տնտեսական գործիչ։

Վահրամ Ներսիսյանց
Ծնվել է	հուլիսի 17, 1940(1940-07-17) (83 տարեկան)
Ծննդավայր	Թեհրան, Իրան
Մասնագիտություն	տնտեսագետ
Պարգևներ և մրցանակներ

Կրթություն

• 1966 թ. ավարտել է Օրեգոնի համալսարանը (ԱՄՆ) ։
• Լրացուցիչ մասնագիտական դասընթացներ է անցել Հարվարդի համալսարանում և Կոռնելի համալսարանում (ԱՄՆ)։

Աշխատանքային գործունեությունը

• 1966-1969 թթ. - աշխատել է Նյու Յորքի «Չեյզ Մանհեթեն բանկում» և «Յունիոն Քարբայթ» ձեռնարկությունում։
• 1969-1998 թթ. - աշխատել է Համաշխարհային բանկում։
• 1970-1990 թթ. - Ասիայի, Աֆրիկայի և Լատինական Ամերիկայի երկրներում իրագործել է տնտեսավարման և կառուցվածքային բարեփոխումների ծրագրեր, աջակցել Հյուսիսամերիկյան ազատ առևտրի գոտու ստեղծմանը։
• 1990-1998 թթ. - աշխատել է ԱՊՀ երկրներում, մասնավորապես ՀՀ-ում՝ աջակցելով անցումային շրջանի բարեփոխումներին և զարգացման խնդիրների լուծմանը։
• 1995-1998 թթ. - ՀՀ-ում Համաշխարհային բանկի ներկայացուցիչ։
• 1998-2010 թթ. - ՀՀ նախագահի գլխավոր խորհրդական տնտեսական հարցերով։
• 2001-2010 թթ. - Զարգացման հայկական գործակալության խորհրդի փոխնախագահ։
• 2003-2010 թթ. - ՀՀ վարչապետին կից գործարարությանն աջակցող խորհրդի փոխնախագահ։
• 2003-2010 թթ. - ՀՀ վարչապետին կից տեղեկատվական տեխնոլոգիաների զարգացմանն աջակցող խորհրդի փոխնախագահ։
• 2008 թ. մայիսի 30-ին ՀՀ վարչապետի որոշմամբ նշանակվել է Համաշխարհային բանկի կառավարիչների խորհրդում Հայաստանի Հանրապետության կառավարիչ։
• 2010 թ. դեկտեմբերի 9-ին ազատվել է Հայաստանի Հանրապետության Նախագահի գլխավոր խորհրդականի պաշտոնից՝ այլ աշխատանքի անցնելու կապակցությամբ։
• 2010 թ. դեկտեմբերի 9-ին ընտրվել է Համահայկական բանկի Խորհրդի նախագահ և գլխավոր գործադիր տնօրեն։

Պարգևներ և կոչումներ

• ԵՊՏԻ պատվավոր դոկտոր (1995)։
• Սուրբ Մեսրոպ Մաշտոցի շքանշան (2009)։