Վահիդ Հաղանիան
Սեյեդ Վահիդ Հաղանիան (1961, Թեհրան, Իրան), իրանցի բարձրաստիճան զինվորական, Իսլամական հեղափոխության պահապանների կորպուսի նախկին հրամանատար, քաղաքական գործիչ, Իրանի նախագահի թեկնածու (2024)[1]։
Վահիդ Հաղանիան | |
---|---|
![]() | |
Ծնվել է | 1961 |
Ծննդավայր | Թեհրան, Իրան |
Քաղաքացիություն | ![]() |
![]() |
Կենսագրություն
խմբագրելՎահիդ Հաղանիանը ծնվել Թեհրանում։ Ծագումով նա Մուհամմադ մարգարեի հորեղբոր տղա Ալի իբն Աբի Տալիբի տոհմից է, որի համար էլ իր անվան մեջ կրում է Սեյեդ նախդիրը։ Վահիդ Հաղանիանը 1979 թվականի հեղափոխությունից հետո միացել է Իսլամական հեղափոխական կոմիտեներին և դարձել Արևմտյան Թեհրանի հարձակողական խմբերի անդամ։ 1984 թվականին նա միացել է Իսլամական հեղափոխության պահապանների կորպուսին և ղեկավարել Թեհրանի անվտանգության պարեկությունը՝ հայտնի որպես «Սարալլահի պարեկներ»։
1987 թվականին՝ Իրաքի հետ պատերազմի ընթացքում, Հաղանիանը վիրավորվել է՝ ստանալով որովայնային և ոտքի վնասվածքներ։ 1988 թվականի վերջին նա տեղափոխվել է Ղոդս ուժեր, որտեղ որպես հրամանատար ծառայել է չորս տարի։
1992 թվականին Մոհամմադ Գոլփայեգանիի կողմից տեղափոխվել է Խամենեի գրասենյակ՝ ստանձնելով անվտանգության պատասխանատվությունը։ 2000-ականների կեսերից նա ծառայում է որպես Խամենեի գրասենյակի գործադիր տեղակալ։
Քննադատություն
խմբագրելՀաղանիանը հաճախ հիշվում է որպես Ալի Խամենեիի մոտիկ օգնական։ 2009 թվականի բողոքների ընթացքում Հաղանիանը, Մոջթաբա Խամենեի հետ, կարևոր դեր է խաղացել բողոքները ճնշելու գործում։ Նա նաև մասնակցել է Մեհդի Քարուբիի տնային կալանքի կազմակերպմանը։
2009 թվականի ապստամբության ժամանակ, Հաղանիանը նշվեց Միր-Հոսեյն Մուսավիի ազգականի մահվան հետ կապված միջադեպում։ Պետական մեդիայի տվյալներով, նա այցելել է Մուսավիի ընտանիքի տուն՝ արտահայտելու իր ցավակցությունները Խամենեի անունից։
Հաղանիանը հայտնի է նաև որպես քաղաքական հրահանգներ փոխանցող։ 2021 թվականին, երբ նախագահի պաշտոնը ստանձնեց Իբրահիմ Ռաիսին, Հաղանիանը հրապարակեց շնորհակալական նամակ, որը բազմաթիվ քննադատությունների արժանացավ։
2019 թվականի նոյեմբերի 4-ին ԱՄՆ ֆինանսների դեպարտամենտը Հաղանիանին և Խամենեի ութ այլ մերձավորներին ընդգրկեց պատժամիջոցների ցուցակում՝ անվանելով Հաղանիանին Խամենեիի «աջ ձեռքը»։
Հաղանիանը 2024 թվականի հունիսին պաշտոնապես գրանցել է իր թեկնածությունը Իրանի նախագահական ընտրություններին՝ ընդգծելով իր անձնական որոշումը և փորձը քաղաքական խորհրդատվության ոլորտում[2][3]։
Ծանոթագրություններ
խմբագրել- ↑ Khansari, Mohammad Sadat (2024 թ․ հունիսի 2). «Who Is Vahid Haghanian, The Invisible Hand of Khamenei Now in Iran's Presidential Spotlight». NCRI (ամերիկյան անգլերեն). Վերցված է 2024 թ․ հունիսի 5-ին.
- ↑ «Senior Khamenei Official Enters Iran's Presidential Race». Iran International (անգլերեն). Վերցված է 2024 թ․ հունիսի 5-ին.
- ↑ Farda, RFE/RL's Radio. «Supreme Leader Ally, Tehran Mayor Register To Run In Iran's Presidential Race». RadioFreeEurope/RadioLiberty (անգլերեն). Վերցված է 2024 թ․ հունիսի 5-ին.