Վահիդե Փերչին
Վահիդե Փերչին (թուրքերեն՝ Vahide Perçin, հունիսի 13, 1965[1], Իզմիր, Թուրքիա), թատրոնի և կինոյի թուրք դերասանուհի։
 թուրքերեն՝ Vahide Perçin | |
|---|---|
| Ծնվել է | հունիսի 13, 1965[1] (58 տարեկան) |
| Ծննդավայր | Իզմիր, Թուրքիա |
| Կրթություն | Dokuz Eylül University Faculty of Fine Arts? |
| Քաղաքացիություն |  Թուրքիա |
| Մասնագիտություն | դերասանուհի |
| Ամուսին(ներ) | Altan Gördüm?[2] |
Կենսագրություն խմբագրել
Ծնվել է հույն ներգաղթյալների ընտանիքում, ովքեր Թուրքիա էին տեղափոխվել 20-րդ դարի սկզբին։ Հայրը եղել է բեռնատարի վարորդ, իսկ մայրը՝ տնային տնտեսուհի։
Միջնակարգ դպրոցը ավարտելուց հետո, ընդունվել է Հուլիսի 9-ի համալսարանի կիրառական արվեստների ֆակուլտետի թատերական բաժինը։
Կարիերա խմբագրել
Սկզբնական շրջանում աշխատել է Իզմիրի թատրոններից մեկում։ 2003 թվականին տեղափոխվել է Ստամբուլ, որտեղ անմիջապես դեր է ստացել «Հեքիաթ Ստամբուլի մասին» հեռուստասերիալում։ Առավել մեծ ճանաչում է ստացել Զեհրայի դերով, որը մարմնավորել է «Ես նրան անվանեցի Ֆերիհա» հեռուստասերիալում։ 2013 թվականին սկսել է նկարահանվել «Հոյակապ Դար» հեռուստասերիալում, որտեղ փոխարինել է հղիության պատճառով հեռուստասերիալը լքած Մերյեմ Ուզերլիին[3]։
Անձնական կյանք խմբագրել
1991 թվականին Վահիդեն ամուսնացել է դերասան Ալթան Գյորդումի հետ։ Նրանք միասին աշխատել են Իզմիրի թատրոնում, այնուհետև մի քանի անգամ հանդիպել են նաև նկարահանման հրապարակում։ Տեղափոխվելով Ստամբուլ՝ Ալթան Գյորդումի դերասանական կարիերան նույնպես սկսել է զարգանալ։ Նկարահանվել է «Հոյակապ դար» հեռուստասերիալում, որտեղ մարմնավորել է Բեքիր աղայի դերը։ 1994 թվականին ամուսինները ունեցել են դուստր՝ Ալիզեին։ 2013 թվականին զույգը բաժանվել է[4]։
Պայքար քաղցկեղի դեմ խմբագրել
«Ես նրան անվանեցի Ֆերիհա» հեռուստասերիալի աշխատանքների ժամանակ դերասանուհու մոտ հայտնաբերվել է կրծքագեղձի քաղցկեղ[5]։ Լքելով նախագիծը՝ դերասանուհին սկսել է պայքարել հիվանդության դեմ։ Նրան աջակցել են ամուսինը և դուստրը, ինչպես նաև բազմաթիվ գործընկերներ և երկրպագուներ։ Հաղթահարելով հիվանդությունը՝ Վահիդեն վերադարձել է նկարահանման հրապարակ։
Ֆիլմագրություն խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2004 | ս | Հեքիաթ Ստամբուլի մասին | Bir İstanbul Masalı | Սուզան Քոզան |
| 2005 | ս | Ոստիկանական գողեր | Hırsız Polis | Ֆուլիա |
| 2005 | ֆ | Պատմիր Ստամբուլ | Anlat Istanbul | Հյուրեմ |
| 2006 | ֆ | Առաջին սեր | İlk Aşk | Նևին |
| 2007 | ֆ | Շնորհավոր նոր տարի Լոնդոն! | Ivi Seneler Londra | Ֆերդա |
| 2007 | ս | Մայրիկ | Annem | Զեյնեփ Էգիլմեզ |
| 2008 | ֆ | Հեղափոխության մեքենաներ | Devrim Arabaları | Սունա |
| 2010 | ֆ | Զեֆիր | Zefir | Այ |
| 2011 | ս | Ես նրան անվանեցի Ֆերիհա | Adını Feriha Koydum | Զեհրա Յըլմազ |
| 2012 | ս | Բարև կյանք | Merhaba Hayat | Դենիզ Քյորել |
| 2013 | ֆ | Տիկին Այհան | Ayhan Hanım | Այհան |
| 2013 | ս | Հոյակապ դար | Muhteşem Yüzyıl | Ռոքսելանա |
| 2015 | ս | Տեղափոխման ժամանակ | Göç Zamanı | Ջենեթ |
| 2016 | ս | Մամա | Anne | Գյոնյուլ Ասլան |
Մրցանակներ խմբագրել
| Մրցանակներ | |||
|---|---|---|---|
| Տարի | Մրցանակ | Անվանակարգ | |
| 1996 | «Sanat Kurumu» | Կնոջ լավագույն դեր | |
| 2007 | «14. Altın Koza Film Festivali» | Լավագույն դերասանուհի | |
| 2007 | «Magazin Gazetecileri Derneği Altın Objektif Ödülleri» | Թատրոնի լավագույն դերասանուհի | |
| 2008 | «Radyo Televizyon Gazetecileri Derneği Yılın Ödülleri» | Տարվա կին | |