Վիքիպեդիա

Վահե Ավետյանի մահ

Վահե Գառնիկի Ավետյանը (օգոստոսի 2, 1979[2] - հունիսի 29, 2012) հայ ռազմական բժիշկ, Հայաստանի զինված ուժերի բուժծառայության մայոր։

Վահե Ավետյանի մահ
ԹվականՀունիսի 29, 2012 (2012-06-29)
Ժամանակ18:15
ՎայրԿենտրոնական զինվորական հոսպիտալ, Երևան
ՊատճառԳանգուղեղի վնասվածք, կոմա
Հուղարկավորություն2012 թ․–ի Հուլիսի 2
ՄեղադրանքՀՀ ՔՕ 112-րդ հոդվածի 2-րդ մասի 6-րդ և 14-րդ կետեր, 113-րդ հոդվածի 2-րդ մասի 1-ին և 3-րդ կետեր, 118-րդ հոդված[1]

Կենսագրություն խմբագրել

Վահե Ավետյանը կրթությունը ստացել է Երևանի պետական բժշկական համալսարանում, մասնագիտությամբ քիթ-կոկորդ-ականջաբան էր, 2004 թվականից ծառայում էր Հայաստանի պաշտպանության նախարարության կենտրոնական զինվորական հոսպիտալում[3]։

Սպանությունը խմբագրել

Վեճը և նախընթաց պատմությունը խմբագրել

  • 2012 թ. հունիսի 17-ի երեկոյան մի խումբ բժիշկներ, այդ թվում՝ Վահե Ավետյանը, քաղաքացիական հագուստով այցելում են գործարար Ռուբեն Հայրապետյանին պատկանող «Հարսնաքար» ռեստորան։ Ժամը 23։00-ի սահմաններում Ավետյանի և մատուցողի միջև վիճաբանություն է սկսվում, որի պատճառը Ավետյանի սպորտային համազգեստ կրելն էր։ Չնայած Ավետյանն ու իր ընկերները կատարել էին մատուցողի՝ հագուստը փոխելու պահանջը՝ վիճաբանությունը շարունակվել է[4], որի ժամանակ մատուցողը բռունքով հարվածել է[5]։ Հարվածից հետո վիճաբանությանը միանում են ռեստորանի գործավարներն ու անվտանգության աշխատակիցները։ Ռազմական բուժծառայողներ Վահե Ավետյանը, Էդգար Միկոյանը, Արկադի Աղաջանյանը, Գարիկ Սողոմոնյանը, Արտակ Բայադյանը դաժան ծեծի են ենթարկվում[6]։ Ավելի ուշ Վահե Ավետյանը և Արտակ Բայադյանը անգիտակից վիճակում տեղափոխվում են հիվանդանոց[7]։
  • Հունիսի 18-ին՝ ժամը 3։00-ի սահմաններում Ավետյանը ենթարկվում է գանգուղեղային վիրահատության։
  • Երկրորդ վիրահատությունից հետո՝ հունիսի 29–ին ժամը 18։15–ի սահմաններում կոմայից դուրս չգալով մահանում է[8][9][10]։

Քրեական գործ և հանրային արձագանքը խմբագրել

Դեպքի քննությունը սկզբում անցկացնում է պաշտպանության նախարարության քննչական ծառայությունը[11],, ապա գործն ուղարկվում է Ոստիկանության քննչական ծառայություն, ոստիկանությունը տարածում է հայտարարություն[12]։ Քրեական գործը հարուցվում է ՔՕ 112 հոդվածի 1-ին մասով՝

 

«Դիտավորությամբ մեկ ուրիշին մարմնական վնասվածք պատճառելը կամ առողջությանն այլ ծանր վնաս պատճառելը, որը վտանգավոր է կյանքի համար կամ առաջացրել է տեսողության, խոսքի, լսողության կամ որևէ օրգանի կամ օրգանի ֆունկցիայի կորուստ... պատժվում է ազատազրկմամբ` երեքից յոթ տարի ժամկետով»[1]։

 

Ձերբակալվում են 7 անձ, և մեղադրանք է առաջադրվում 6 հոգու[5]։ Հետագայում մեղադրանքը վերաորակավորվում է՝ ՔՕ 112 հոդվածի 2 մասի 6-րդ և 14-րդ կետերով՝

 

«Դիտավորությամբ առողջության ը ծանր վնաս պատճառելը... մի խումբ անձանց կամ կազմակերպված խմբի կողմից... անզգուշությամբ առաջացնելով տուժողի մահ` պատժվում է ազատազրկմամբ` հինգից տասը տարի ժամկետով»[1], 113-րդ հոդվածի 2-րդ մասի 1-ին և 3-րդ կետերով, 118-րդ հոդվածով և առաջադրվում է 6 կալանավորվածներին[13]։

 

Հասարակական ալիք խմբագրել

 
Վահե Ավետյանի հուղարկավորությունը

Կատարված դեպքի և Վահե Ավետյանի մահվան կապակցությամբ հանրային ու քաղաքական մարմինները մեղադրական հայտարարություններ են անում։

Ավետյանի մահից հետո հայտարարություններ են տարածում 3 քաղաքական կուսակցություն[15][16][17]։

  • Հունիսի 30-ին ռեստորանի մոտ մի քանի հարյուր մասնակիցներ մոմավառություն են կազմակերպում Ավետյանի հիշատակին[18]։ Լոս Անջելեսում` ՀՀ հյուպատոսարանի մոտ, նույն օրը տեղի է ունենում բողոքի ակցիա[19][20]։
  • Հուլիսի 1-ի առավոտյան պաշտպանության նախարարության պաշտոնատար փոխգնդապետ «Հարսնաքար» է տանում պայթուցիկ զինամթերք և սպառնում պայթեցնել ռեստորանը[21][22]։ Այդ քայլը հետո որակվում է վրիժառություն և ինքնադատաստանի փորձ[23]։ Հուլիսի 1-ին կատարվում են բողոքի ցույցեր ՀՀ նախագահի նստավայրի, գլխավոր դատախազության շենքերի առջև[24]։

Երթեր ու ցույցեր են տեղի ունենում նաև հուղարկավորության օրը[25]։

  • Հուլիսի 2-ին տեղի ունեցավ Վահե Ավետյանի հուղարկավորությունը, որի կազմակերպման համար ստեղծվել էր հանրային հանձնաժողով[26]։

Նույն օրը Զորի Բալայանը հրապարակում է հոսպիտալում Ավետյանին արված այցերի իր հուշագրությունը[27]։ Հուլիսի 3-ի երեկոյան Ռուբեն Հայրապետյանը հայտարարեց պատգամավորի իր պաշտոնից հրաժարվելու մասին՝ իրեն վերագրելով Ավետյանի մահվան բարոյական պատասխանատվությունը[28]։

  • Հուլիսի 4-ին 4 ոչկոալիցիոն կուսակցություններ դիմում են ԱԺ նախագահին՝ գործը քննողների հետ ԱԺ-ում պաշտոնական հանդիպում կազմակերպելու համար[29]։
  • Հուլիսի 9-ին ԱԺ նախագահը մերժում է դիմումը[30]։

Բողոքի ելույթ տեղի ունեցավ նաև Ավետյանի մահվան 40-րդ օրը։

  • Օգոստոսի 8-ին մոմավառություն է կազմակերպվում «Հարսնաքար» ռեստորանի մոտ, երթ է արվում Երևանի Ավան թաղամասում[31]։

Տես նաև խմբագրել

Ծանոթագրություններ խմբագրել

  1. ↑ 1,0 1,1 1,2 «ՀՀ քրեական օրենսգիրք։ Հատուկ մաս։ Յոթերորդ բաժին»։ ՀՀ դատախազություն 
  2. ↑ Վահե Ավետյանի անունը ընտրողների ռեգիստրում
  3. ↑ «Օտորինոլարինգոլոգներ (ԼՕՌ) - Ավետյան Վահե Գառնիկի»։ Արխիվացված է օրիգինալից 2012 թ․ մայիսի 11-ին։ Վերցված է 2021 թ․ դեկտեմբերի 29 
  4. ↑ «Վահեի գերեզմանին անծանոթը ծնկաչոք մինչև վերջ հող է լցրել»։ Առավոտ։ հուլիսի 31, 2012։ Արխիվացված է օրիգինալից 2012 թ․ օգոստոսի 4-ին։ Վերցված է օգոստոսի 2, 2012 
  5. ↑ 5,0 5,1 (29.06.12)։ ««Հարսնաքարի» գործով նախաքննությունը շարունակվում է»։ ՀՀ ոստիկանության շաբաթաթերթ։ Վերցված՝ 2012 թ․ հուլիսի 1։(չաշխատող հղում)
  6. ↑ «5 ձերբակալվածներին ձեռնաշղթաներով տեղափոխել են Քննչական գլխավոր վարչություն» 
  7. ↑ «Ծեծել են ոչ թե 2, այլ` 3 բժշկի»։ Արխիվացված է օրիգինալից 2012 թ․ հունիսի 21-ին։ Վերցված է 2020 թ․ հոկտեմբերի 29 
  8. ↑ «Վահեի գլխուղեղում նոր հեմատոմա է առաջացել»։ Առավոտ։ Արխիվացված է օրիգինալից 2012 թ․ հունիսի 21-ին։ Վերցված է 2020 թ․ հոկտեմբերի 29 
  9. ↑ «Լա՛վ, էլ մի խփեք»։ Հայկական ժամանակ 
  10. ↑ «Մահացել է Վահե Ավետյանը»։ Առավոտ (չաշխատող հղում)
  11. ↑ «Ծեծկռտուքի գործը կքննի ՊՆ քննչական ծառայությունը» 
  12. ↑ «ՀՀ ոստիկանության հայտարարությունը» (չաշխատող հղում)
  13. ↑ ««Հարսնաքարի» գործով նոր մեղադրանքներ»։ օգոստոսի 2, 2012։ Վերցված է օգոստոսի 3, 2012 (չաշխատող հղում)
  14. ↑ «Հայրապետյանը դատապարտում է «Հարսնաքար»-ի միջադեպը»։ հունիսի 19, 2012 
  15. ↑ «ՀՅԴ-ն Վահե Ավետյանի մահվան կապակցությամբ իշխանություններից պահանջում է»։ հունիսի 30, 2012։ Արխիվացված է օրիգինալից 2012-07-03-ին։ Վերցված է 2012-07-03 
  16. ↑ «Կոնգրեսի հայտարարությունը Վահե Ավետյանի մահվան կապակցությամբ»։ հունիսի 30, 2012։ Արխիվացված է օրիգինալից 2011 թ․ օգոստոսի 20-ին։ Վերցված է 2012 թ․ հուլիսի 3 
  17. ↑ «Դատապարտում ենք և պահանջում»։ Արխիվացված է օրիգինալից 2016-07-17-ին։ Վերցված է 2012 թ․ հուլիսի 2 
  18. ↑ «Վահե Ավետյանի հիշատակին նվիրված մոմավառությունը սկսվել է»։ հունիսի 30, 2012։ Արխիվացված է օրիգինալից 2012-07-03-ին։ Վերցված է 2012-07-03 
  19. ↑ «Լոս Անջելես քաղաքում բողոքի ակցիան մեկնարկեց»։ հուլիսի 1, 2012 
  20. ↑ «Լոս Անջելեսի հայերը հարգեցին Վահե Ավետյանի հիշատակը»։ Երկիր (չաշխատող հղում)
  21. ↑ «ՊՆ փոխգնդապետը փորձել է պայթեցնել «Հարսնաքար»-ը»։ հուլիսի 1, 2012։ Արխիվացված է օրիգինալից 2012-07-03-ին։ Վերցված է 2012-07-04 
  22. ↑ «Բանակի փոխգնդապետը ցանկացել է պայթեցնել «Հարսնաքարը»»։ հուլիսի 1, 2012 
  23. ↑ «Որքան վատ երևույթ է բռունցքով հարց լուծելը, ոչ պակաս վատ է վենդետան. ՀՀԿ մամուլի խոսնակ»։ հուլիսի 2, 2012։ Արխիվացված է օրիգինալից 2012-07-08-ին։ Վերցված է 2012-07-04 
  24. ↑ (հուլիսի 3, 2012)։ «ՀՀ քաղաքացին ընդունել է մարտահրավերը»։ Հայկական ժամանակ։
  25. ↑ «Երթ Վահե Ավետյանի հուղարկավորությունից հետո» 
  26. ↑ «Վահե Ավետյանի հուղարկավորությունը տեղի կունենա այսօր»։ հուլիսի 2, 2012 (չաշխատող հղում)
  27. ↑ Զորի Բալայան։ «Հատուցումը որպես Աստծո պատիժ»։ Արմենպրես 
  28. ↑ «Ռուբեն Հայրապետյանը հրաժարվեց պատգամավորական մանդատից»։ հուլիսի 3, 2012։ Արխիվացված է օրիգինալից 2012-07-05-ին։ Վերցված է 2012-07-03 
  29. ↑ «Վայրագությունը կուսակցական պատկանելություն չի ճանաչում. Էդուարդ Շարմազանով»։ Արմենպրես։ հուլիսի 4, 2012 
  30. ↑ «ԱԺ նախագահը ձեռնպահ կմնա «Հարսնաքար»-ի միջադեպի գործի շուրջ ընթացող նախաքննության միջամտությունից»։ հուլիսի 10, 2012։ Արխիվացված է օրիգինալից 2021-04-10-ին։ Վերցված է 2012-07-10 
  31. ↑ «Մեկնարկեց երթը Ռուբեն Հայրապետյանի առանձնատան ուղղությամբ»։ 1in.am։ օգոստոսի 8, 2012 


Ստացված է «https://hy.wikipedia.org/w/index.php?title=Վահե_Ավետյանի_մահ&oldid=8579480» էջից