Վակուումային չորացում

Վակուումային չորացում, զանգվածային փոխանցման գործողություն է, որի ընթացքում նյութում (սովորաբար` թաց և պինդ) առկա խոնավությունը հեռացվում է վակուում ստեղծելու համար։ Քիմիական վերամշակող արդյունաբերություններում, ինչպիսիք են` սննդի վերամշակումը, դեղագործությունը, գյուղատնտեսությունը և տեքստիլը, չորացումը խոնավությունը հեռացնելու համար անհրաժեշտ գործընթաց է[1]։ Վակուումային չորացումը հիմնականում օգտագործվում է հիգիոսկոպիկ և ջերմային զգայուն նյութերի չորացման համար և հիմնված է վակուում ստեղծելու սկզբունքի վրա, երբ տվյալ խցիկում ճնշումն իջեցվում է ջրի գոլորշու ճնշումից ավելի ցածր՝ ջրին ստիպելով եռալ։ Վակուումային պոմպերի օգնությամբ ճնշումը կրճատվում է չորացրած նյութի շուրջ։ Դա նվազեցնում է ջրի եռման կետը այդ արտադրանքի ներսում և դրանով էապես մեծացնում գոլորշիացման արագությունը։ Արդյունքում զգալիորեն արագանում է արտադրանքի չորացումը[2]։ Վակուումային չորացման պայմաններում պահպանվող ճնշումը ընդհանուր առմամբ կազմում է 0,03–0,06 մթնոլորտ, իսկ ջրի եռման կետը՝ 25-30°C: Վակուումային չորացման գործընթացը պարբերական գործողություն է, որն իրականացվում է կրճատված ճնշումներով և ցածր հարաբերական խոնավությամբ, համեմատած շրջակա միջավայրի ճնշման հետ, ինչը հնարավորություն է տալիս ավելի արագ չորացնել։

Վակուումային չորացնող սարքԽմբագրել

Վակուումային չորացնող սարքերն այն սարքավորումներն են, որոնց օգնությամբ իրականացվում է վակուումային չորացում։ Դեղագործական արդյունաբերության մեջ վակուումային չորացնող սարքը հայտնի է վակուումային վառարան ընդհանուր անվանումով։ Վակուումային չորացնող սարքերը երբեմն պատրաստվում են չուգունից, բայց այժմ շատերը պատրաստված են չժանգոտվող պողպատից, այնպես որ նրանք կարող են դիմանալ բարձր վակուումային ճնշմանը՝ առանց որևէ ձևափոխման։ Ջեռոցը բաժանված է խոռոչ-սկուտեղների, ինչը մեծացնում է մակերեսը ջերմային հաղորդակցության համար։ Ջեռոցի դուռը հերմետիկ փակվում է և միացվում վակուումային պոմպին`ճնշումը նվազեցնելու համար։

ԿիրառությունԽմբագրել

Վակուումային չորացնող սարքը կարող է օգտագործվել ջերմության նկատմամբ զգայուն հիգրոսկոպիկ և թունավոր նյութերը չորացնելու համար։ Եթե ​​չորացվող հումքը լուծույթ է, ապա այն կարելի է չորացնել վակուումային չորացնող սարքի միջոցով, քանի որ լուծիչը հնարավոր է վերականգնել խտացման միջոցով։ Ապրանքների որակի բարելավման համար, օրինակ՝ մրգերի պահպանումը, արդյունավետ է հիբրիդային չորացումը՝ համատեղելով օսմոտիկ ջրազրկումը դրան հաջորդող ջերմային պոմպով չորացման և միկրոալիքային վակուումային չորացման հետ[1]։

ԾանոթագրություններԽմբագրել

  1. 1,0 1,1 Figiel A, Michalska A (2016)։ «Overall Quality of Fruits and Vegetables Products Affected by the Drying Processes with the Assistance of Vacuum-Microwaves»։ International Journal of Molecular Sciences 18 (1): 71։ PMC 5297706 ։ PMID 28042845։ doi:10.3390/ijms18010071 
  2. Saraswathi B։ «Vacuum dryer»։ www.pharmainfo.net։ Արխիվացված է օրիգինալից 2016-04-18-ին։ Վերցված է 2016-04-05