Վալերի Տատինցյան
Վալերի Գուրգենի Տատինցյան (հոկտեմբերի 17, 1940, Բաքու, Ադրբեջանական ԽՍՀ, ԽՍՀՄ), հայ ստոմատոլոգ։ Բժշկական գիտությունների դոկտոր (1986), պրոֆեսոր (1987), ՀՀ ԲԳԱ ակադեմիկոս (1996)[1]: ՀՀ գիտության վաստակավոր գործիչ (2011):
Ծնվել է | հոկտեմբերի 17, 1940 (83 տարեկան) |
---|---|
Ծննդավայր | Բաքու, Ադրբեջանական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Մոսկվայի պետական բժշկա-ատամնաբուժական համալսարան |
Մասնագիտություն | ատամնաբույժ |
Գիտական աստիճան | բժշկական գիտությունների դոկտոր (1986) |
Պարգևներ |
Կենսագրություն խմբագրել
Վալերի Տատինցյանը ծնվել է 1940 թվականի հոկտեմբերի 17-ին, Բաքվում, Գուրգեն Տատինցյանի և Լուսիկ Օհանյանի ընտանիքում։ Ավարտել է Բաքվի թիվ 142 միջնակարգ դպրոցը։ 1959-1962 թվականներին սովորել և ավարտել է Մարիսկի բժշկական ուսումնարանի ատամնաբուժական դպրոցը, 1964-1969 թվականներին՝ Մոսկվայի բժշկական ստոմատոլոգիական ինստիտուտը։ 1969-1972 թվականներին թերապևտիկ ստոմատոլոգիայի մասնագիտությամբ կլինիկական օրդինատոր է եղել Մոսկվայի ստոմատոլոգիայի կենտրոնական գիտահետազոտական ինստիտուտում, 1972 -1980 թվականներին՝ թերապևտիկ ստոմատոլոգիայի ամբիոնի ասիստենտ Թուրքմենիստանի պետական բժշկական ինստիտուտում, Ստոմատոլոգիական, սանիտարական ֆակուլտետների դեկանի տեղակալ, դեկան, 1980-1984 թվականներին՝ թերապևտիկ ստոմատոլոգիայի ամբիոնի ասիստենտ ԵՊԲՀ-ում, այնուհետև՝ 1984-2005 թվականներին, զբաղեցրել է նույն ամբիոնի վարիչի պաշտոնը և համատեղությամբ 1985-1995 թվականներին՝ ԵՊԲՀ ստոմատոլոգիական ֆակուլտետի դեկան, 2005-2013 թվականներին՝ ԵՊԲՀ թերապևտիկ և ընտանեկան ստոմատոլոգիայի ամբիոնի պրոֆեսոր, 2014 թվականից՝ թերապևտիկ ստոմատոլոգիայի ամբիոնի պրոֆեսոր։ 1975 թվականին պաշտպանել է թեկնածուական ատենախոսություն Մոսկվայի ստոմատոլոգիայի կենտրոնական գիտա-հետազոտական ինստիտուտում, 1986 թվականին՝ դոկտորական՝ Մոսկվայի Ստոմատոլոգիայի կենտրոնական գիտահետազոտական ինստիտուտում[2]։
1994 թվականին թիվ 1 կլինիկական հիվանդանոցի տարածքում հիմնել է «Համալսարանական ստոմատոլոգիական կլինիկան»։ Մոսկվայի Ստոմատոլոգիայի կենտրոնական գիտահետազոտական ինստիտուտի և ԵՊԲՀ-ի միջև կնքված պայմանագրի շրջանակում գիտահետազոտական ղեկավար է։ 2004 թվականին հիմնել է ստոմատոլոգիայի և դիմածնոտային վիրաբուժության ոլորտին անդրադարձող «Բամբեր» ամսագիրը, որի գլխավոր խմբագրի տեղակալն է[3][4]։
Պարգևներ խմբագրել
- Հարավսլավիայի Բելգրադյան բժշկական համալսարանի «Ոսկե շքանշան» (1993)
- Մխիթար Հերացու անվան «Ոսկե շքանշան» (2000)
- ՌԲԳԱ Վերնադսկու անվան շքանշան (2000)
- ՀՀ առողջապահության նախարարության և ԵՊԲՀ-ի «Արծաթե շքանշան» (2003)
- Ռուսաստանի ստոմատոլոգների ասոցիացիայի առաջին աստիճանի «Ոսկե շքանշան» (2006)
- Եվրոպական Բժշկական ակադեմիայի «Ռենտգեն» շքանշան (2007)
- ՀՀ գիտությունների վաստակավոր գործիչ (2011)
Անդամակցություն խմբագրել
- ԵՊԲՀ-ի ստոմատոլոգիական խնդիրների հանձնաժողովի նախագահ (1983-1994)։
- Ստոմատոլոգների հասարակության համամիութենական պրեզիդիումի ղեկավարման անդամ (1984-1989)։
- ՌԴ գիտությունների ակադեմիայի բնական գիտությունների լիիրավ անդամ։
- ՀՀ գիտությունների ազգային ակադեմիայի բժշկական գիտությունների լիիրավ անդամ (2001)։
- ՀՀ ստոմատոլոգների ասոցիացիայի փոխնախագահ (2004)։
- Ստոմատոլոգիայի, աչքի և ԼՕՌ հիվանդությունների գիտակոորդինացիոն խորհրդի նախագահն (2005-2015)։
- ԵՊԲՀ-ի հոգաբարձուների խորհրդի անդամ (2014-2018)։
Երկեր խմբագրել
- Թերապևտիկ ստոմատոլոգիա։ Անդրիասյան Լևոն Հրանտի, Տատինցյան Վալերի Գուրգենի, Երևան, Ա. հ., 2015[5]:
- Թերապևտիկ ստոմատոլոգիա։ Դասագիրք։ Տատինցյան Վալերի Գուրգենի, Երևան, Պարբերական, 1997[6]։
- Ատամների հիվանդությունների ախտորոշումը։ /Մեթոդական մշակումներ դասախոսների և ուսանողների համար։ Տատինցյան Վալերի Գուրգենի, Հայրապետյան Հ. Օ., Առողջապահության մինիստրություն ՀԽՍՀ, Երևանի պետական բժշկական ինստիտուտ, Թերապևտիկ ստոմատոլոգիայի ամբիոն, Երևան, Ա. հ., 1989[7]:
Ընտանիք խմբագրել
- Հայր՝ Գուրգեն Տատինցյան
- Մայր՝ Լուսիկ Ասատուրի Օհանյան, ստոմատոլոգ
- Կին՝ Շողիկ Տատինցյան, տնտեսագետ
- Դուստր՝ Կարինե Տատինցյան, Չերկիզովսկի մսի վերամշակման գործարանի գլխավոր բժիշկ
- Դուստր՝ Լյուդմիլա Տատինցյան, բժշկական գիտությունների դոկտոր, դոցենտ
- Դուստր՝ Գայանե Տատինցյան՝ ԵՊԲՀ թերապևտիկ և ընտանեկան ստոմատոլոգիայի ամբիոնի ասիստենտ, ղեկավարում է Տատինցյանների ընտանիքի ստոմատոլոգիական կլինիկան
- Որդի՝ Դավիթ Տատինցյան, իմպլանտոլոգ
Ծանոթագրություններ խմբագրել
- ↑ www.raen.am http://www.raen.am/members/t2.html. Վերցված է 2019 թ․ մայիսի 23-ին.
{{cite web}}
: Missing or empty|title=
(օգնություն) - ↑ www.ysmu.am https://www.ysmu.am/hy/main/update_your_browser/. Վերցված է 2019 թ․ մայիսի 23-ին.
{{cite web}}
: Missing or empty|title=
(օգնություն) - ↑ «Վալերի Տատինցյան». www.med-practic.com. Վերցված է 2019 թ․ մայիսի 23-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 565։
- ↑ Անդրիասյան, Լևոն Հրանտի; Տատինցյան, Վալերի Գուրգենի (2015). Թերապևտիկ ստոմատոլոգիա. Երևան: Ա. հ. ISBN 9789939013770.
- ↑ Տատինցյան, Վալերի Գուրգենի, ed. (1997). Թերապևտիկ ստոմատոլոգիա։ Դասագիրք. Երևան: Պարբերական.
- ↑ Տատինցյան, Վալերի Գուրգենի; Հայրապետյան, Հ Օ; Առողջապահության մինիստրություն ՀՍՍՀ; Երևանի պետական բժշկական ինստիտուտ, eds. (1989). Ատամների հիվանդությունների ախտորոշումը։ Մեթոդական մշակումներ դասախոսների և ուսանողների համար. Երևան: Ա. հ.
Գրականություն խմբագրել
- Айриян А. П. Армянские учёные-медики. - Ер., 1998 - 276 с. ISBN 99930-1-001-7Айриян А. П. Армянские учёные-медики. - Ер., 1998 - 276 с. ISBN 99930-1-001-7