Սքոթ Շեփարդ
Սքոթ Շեփարդ (անգլ.՝ Scott S. Sheppard, փետրվարի 19, 1977), ամերիկացի աստղագետ։ Աշխատում է Կարնեգիի ինստիտուտի երկրային մագնետիզմի բաժնում։
Սքոթ Շեփարդ անգլ.՝ Scott S. Sheppard | |
|---|---|
| Ծնվել է | փետրվարի 19, 1977 (47 տարեկան) |
| Բնակության վայր(եր) | ԱՄՆ |
| Քաղաքացիություն |  ԱՄՆ |
| Մասնագիտություն | աստղագետ |
| Հաստատություն(ներ) | Կարնեգիի գիտության ինստիտուտ |
| Գործունեության ոլորտ | աստղագիտություն |
| Ալմա մատեր | Հավայան կղզիների համալսարան և Օբերլինի քոլեջ |
| Գիտական աստիճան | փիլիսոփայության դոկտոր |
| Կայք | dtm.carnegiescience.edu/people/scott-s-sheppard |
Ուսանել է Հավայան համալսարանում, որտեղ 2004 թվականին ստացել է փիլիսոփայության դոկտորի կոչում աստղագիտության բնագավառում։
2000 թվականից սկսած՝ իր գործընկերների հետ հայտնաբերել է հսկա մոլորակների բազմաթիվ արբանյակներ՝ 50-ը՝ Յուպիտերի մոտ (ներառյալ Ֆեմիստո, որը հայտնաբերվել էր 1975 թվականին Չառլզ Կովալի կողմից, սակայն հետագայում այն կորսվել էր), 25-ը՝ Սատուրնի մոտ, և մեկական՝ Ուրանի և Նեպտունի մոտ։
Շեփարդը հայտնաբերել է նաև ընդհանուր առմամբ 16 աստերոիդ, որոնցից ընդամենը մեկը՝ միանձնյա[1]։ Դրանց մեջ հայտնաբերվել են թվով երկրորդ Նեպտունի տրոյացի աստերոիդը՝ 2004 UP10, ինչպես նաև մի քանի Կոյպերի գոտու մարմիններ, կենտավրոսներ և Երկրին մոտեցող աստերոիդներ։
Նրա պատվին է անվանվել (17898) Սքոթշեփարդ աստերոիդը[2]
2014 թվականի մարտին Շեփարդը և Չեդվիկ Տրուխիլիոն հայտարարեցին նոր գաճաճ մոլորակի հայտնաբերման մասին 2012 VP113, որը ամենահեռուն է պտտվում Արեգակից՝ մնացած բոլոր գաճաճ մոլորակների համեմատ[3]։
2018 թվականի նոյեմբերին Սքոթ Շեփարդի, Դևիդ Թոլենի և Չեդվիկ Տրուխիլյոյի կողմից հայտնաբերվեց 2018 VG18 տրանսնեպտունային մարմինը, որը դարձավ Արեգակնային համակարգի՝ երբևէ ուսումնասիրված ամենահեռու օբյեկտը[4]։
Ծանոթագրություններ
խմբագրել- ↑ «Minor Planet Discoverers». Փոքր մոլորակների կենտրոն. Արխիվացված օրիգինալից 2012 թ․ մարտի 14-ին. Վերցված է 2019 թ․ հունվարի 6-ին.
- ↑ IAU. «17898 Սքոթշեփարդ աստերոիդի անվանումը». Վերցված է 6 հունվար 2019-ին.
- ↑ «Астрономы нашли самую далекую карликовую планету Солнечной системы». РИА Новости. 2014 թ․ մարտի 26. Վերցված է 2014 թ․ մարտի 27-ին.
- ↑ Discovered: The Most-Distant Solar System Object Ever Observed
Արտաքին հղումներ
խմբագրել- Սքոթ Շեփարդի անձնական էջը Կարնեգիի ինստիտուտի կայքում (անգլ.)
- Scott Sheppard's web site, Carnegie Institution for Science
- Scott S. Sheppard – Curriculum Vitae, Carnegie Institution for Science