Սրանում մեր կյանքն է
«Սրանում մեր կյանքն է» (անգլ.՝ In This Our Life), ամերիկացի գրող Էլեն Գլազգոուի վեպը, որը հրատարակվել է 1941 թվականին[1]։ 1942 թվականին այն արժանացել է Պուլիտցերյան մրցանակի լավագույն վեպի համար[2]։ Վեպի բնաբանն է՝ «Ah, what a dusty answer gets the soul/ When hot for certainties in this our life!»։
| Սրանում մեր կյանքն է անգլ.՝ In This Our Life | |
|---|---|
 | |
| Տեսակ | գրական ստեղծագործություն |
| Ձև | վեպ |
| Հեղինակ | Էլեն Գլազգոու |
| Երկիր | .svg){kind=small} ԱՄՆ |
| Բնագիր լեզու | անգլերեն |
| Գրվել է | 1941 |
| Հրատարակվել է | 1941 |
 In This Our Life | |
Warner Bros. կինոընկերությունն անմիջապես գնել է վեպի էկրանավորման իրավունքը և 1942 թողարկել է համանուն ֆիլմը։
Ստեղծման պատմություն խմբագրել
Էլեն Գլազգոուն վեպի ստեղծմանը ձեռնամուխ է եղել 1937 թվականին։ Աշխատանքը մշտապես ընդհատվել է գրողի հիվանդության պատճառով։ Հենց այդ ժամանակ էլ նա երկու սրտի նոպա է վերապրել, իսկ հիվանդանոցի բժիշկը, որտեղ նա հայտնվել էր 1940 թվականի ամռանը, նրան կես տարուց ոչ ավելի կյանք է կանխատեսել։ Այնուամենայնիվ, վեպն ավարտվել է 1941 թվականին, իսկ Գլազգոուն ապրել է մինչև 1945 թվականը[3]։
Վեպում ներկայացվել են Գլազգոյի համար ավանդական վայրերը, այդ թվում՝ Ռիչմոնդը, որտեղ նա անցկացրել է կյանքի մեծ մասը։
1966 թվականին հետմահու հրատարակվել է վեպի կարճ շարունակությունը՝ «Beyond Defeat: An Epilogue to an Era»[3][4]։
Սյուժե խմբագրել
Գործողությունները տեղի են ունենում ԱՄՆ-ի հարավում։ Վեպը պատմում է երկու քույրերի՝ Սթենլի և Ռոյ Թիմբերլեյքների մասին, և ցույց է տալիս նրանց բարդ փոխհարաբերությունները միմյանց ու այլ մարդկանց հետ։
Ռոյը հանդես է գալիս որպես հերոսուհի, որն օժտված է բազմաթիվ դրական հատկանիշներով, որոնք բնորոշ են ոչ միայն կնոջը, այլև տղամարդուն։ Նա զգայուն է, խելացի, աշխատասեր, ժամանակակից և անկախ։
Սթենլին հանդես է գալիս որպես Ռոյի անտագոնիստ։ Նրան բնորոշ են գեղեցկությունը, ինքնասիրահարվածությունը, անբարոյությունն ու թեթևատությունը։ Նա հարաբերությունների մեջ է մտնում քրոջ ամուսնու հետ, որը խիզախորեն ընդունում է հարվածը, ամուսնալուծվում է և զույգին թույլ է տալիս միավորվել, ինչը, սակայն, կանխատեսելի կերպով ավարտվում է աղետով։
Ճանաչում խմբագրել
1942 թվականին վեպն արժանացել է Պուլիտցերյան մրցանակի, սակայն որոշ հեղինակների կարծիքով՝ մրցանակը որոշ չափով հանձնվել է ոչ թե բուն ստեղծագործության, այլ Գլազգոուի՝ գրականության մեջ ունեցած ընդհանուր ներդրման համար։ 1933 թվականին նրա մեկ այլ վեպը՝ «The Sheltered Life» (1932), նույնպես առաջադրվել է մրցանակի եղել է առաջատար, սակայն անսպասելիորեն պարտվել էր Թոմաս Սթրիբլինգի «The Store» վեպին։ 1942 թվականի մրցանակը եղել է այդ թվում արդարությունը վերականգնելու միջոց[3]։
Էկրանավորում խմբագրել
Warner Bros. ընկերությունը ձեռք է բերել ֆիլմի իրավունքները 1941 թվականին $ 40 000-ով և անմիջապես սկսել է քասթինգը։ Ռեժիսորի տեղն ստացել է Ջոն Հյուսթոնը, որը հենց նոր էր ավարտել իր դեբյուտային «Մալթայի բազեն» ֆիլմը։ Որպես սցենարիստ հանդես է եկել Հովարդ Կոխը, որը վեպի ադապտացման ժամանակ փորձել է նվազեցնել Ուիլյամ Ֆիցրոյի ու Սթենլիի զարմուհու միջև կապի արյունապղծական բնույթի և հաարավում եղած ռասայական խտրականության շեշտադրումը։ Ֆիլմի գլխավոր դերերում հանդես են եկել հայտնի դերասանուհիներ Բեթ Դեյվիսը և Օլիվիա դե Հևիլլենդը։
Ծանոթագրություններ խմբագրել
- ↑ Ellen Glasgow In This Our Life. — New York: Harcourt, Brace and Company, 1941.
- ↑ Elizabeth A. Brennan; Elizabeth C. Clarage Who's Who of Pulitzer Prize Winners. — Greenwood Publishing Group, 1999. — С. 492. — ISBN 978-1-57356-111-2
- ↑ 3,0 3,1 3,2 The Ages of Life: Living and Aging in Conflict? / Ulla Kriebernegg, Roberta Maierhofer (Eds.). — Bilefeld: transcript Verlag, 2014. — С. 177—178. — 256 с. — ISBN 9783839422120
- ↑ Glasgow, Ellen Beyond Defeat: An Epilogue to an Era / Ed. Luther Y. Gore. — Charlottesville: University Press of Virgina, 1966.
 | Վիքիպահեստն ունի նյութեր, որոնք վերաբերում են «Սրանում մեր կյանքն է» հոդվածին։ |