Ստորին տունդրա (ալբոմ)

երաժշտական ալբոմ
HS Disambig.svg Անվան այլ կիրառումների համար տե՛ս՝ Ստորին տունդրա (այլ կիրառումներ)

«Ստորին տունդրա» (ռուս.՝ «Нижняя тундра»), ռուսական «Վա Բանկ» ռոք խմբի ստուդիական ալբոմը, որը ձայնագրվել և թողարկվել է 1999 թվականին։ Վիկտոր Պելևինի համանուն պատմվածքի յուրատեսակ «սաունդթրեքն» է[1], որը գրվել է հատուկ ալբոմի թողարկման համար և տպագրվել է ծալաթերթիկի ներդիրում[2]։

Ստորին տունդրա
Ստորին տունդրա (ալբոմ).jpg
«Վա Բանկ» ռոք խմբի
Թողարկված1999
Ձայնագրված1999, Մոսկվա
Ժանրարտ ռոք, ինդասթրիալ
Տևողություն3943 վայրկյան
ԼեյբլSoLyd Records

Ստեղծման պատմությունԽմբագրել

«Չապաևն ու Պուստոտան» վեպը կարդալուց հետո «Վա Բանկ» խումբը շատ է տպավորվում Վիկտոր Պելևինի ստեղծագործությունից։ «Վա Բանկ»-ի անփոփոխ ղեկավար Ալեքսանդր Ֆ. Սկլյարի գլխում միտք է հղանում[3].

  իսկ ինչ կլինի, եթե փորձենք նոր ժանր հորինել՝ չգրված պատմվածքի համար սաունդթրեք ստեղծենք։
- Ալեքսանդր Ֆ. Սկլյար
 

Գաղափարն այն է, որ Վիկտոր Պելևինը ստեղծում է նոր պատմվածք, իսկ «Վա Բանկ» խումբը գրում է դրա սաունդթրեքը, և դա տպագրվում է որպես բազմաժանր ստեղծագործական արտադրանք։

Երաժշտական լրագրող Անդրեյ Գավրիլովը Ալեքսանդր Ֆ. Սկլյարին տալիս է Պելևինի հեռախոսահամարը։ Ալեքսանդրը զանգահարում է Վիկտորին և շարադրում գաղափարը։ Մի քանի ամիս անց Վիկտորը վերադառնում է դրական պատասխանով։ Ստեղծագործական աշխատանքը նույնպես տևում է մի քանի ամիս[3]։ Վիկտոր Պելևինը ձեռագիրը հանձնում է «Վա Բանկ» խմբին։ Ձեռագրում լինում են ապագա երգերի անվանումներով նշումներ։ Ալբոմի թողարկումը տևում է մոտ 9 ամիս։ Վիկտոր Պելևինը ալբոմի պրեմիերային ներկա չի լինում[3]։

Երգերի ցանկԽմբագրել

Բոլոր երգերը գրված են խմբի երաժիշտների կողմից, բացառությամբ նշվածների:

# Անվանում Տևողություն
1. «Интро»   01:40
2. «Путешествие в Китай» (խոսքերը՝ Ե. Գոլովինի) 04:54
3. «Кукла-мандарин» (խոսքերը՝ Ե. Գոլովինի) 04:40
4. «Холодный мир»   04:35
5. «Джон Донн 2000» (խոսքերը՝ Ե. Գոլովինի) 05:13
6. «Агрессия созвучий» (խոսքերը՝ Ե. Գոլովինի) 04:05
7. «Небесные грибы»   04:21
8. «Шаман»   06:56
9. «Вальс Чжэнь Чжао»   04:30
10. «Пилоты»   03:51
11. «Вася-совесть»   04:59
12. «Склиф» (խոսքերը՝ Ե. Գոլովինի) 04:09
13. «За гагарой с чёрным пером»   11:50

Ձայնագրության մասնակիցներԽմբագրել

  • Ալեքսանդր Ֆ. Սկլյար՝ վոկալ, կիթառ
  • Եգոր Նիկոնով՝ կիթառ, վոկալ
  • Ալիկ Իսմագիլով՝ բաս կիթառ, վոկալ
  • Անդրեյ Բելիզով՝ հարվածային գործիքներ
  • Օլեգ Լիտվիշկո՝ ամբողջ էլեկտրոնիկան և սեմփլներ

ԾանոթագրություններԽմբագրել

  1. Play № 44, с.29. Некоторые другие музыкальные путешествия Александра Ф. Скляра — Нижняя тундра
  2. Ъ-Газета — Пелевин пошел ва-банк
  3. 3,0 3,1 3,2 Алексей Певчев (2020-03-04)։ ««Мы — саундтрек к жизни отверженных»»։ Известия (ռուսերեն)։ Վերցված է 2021-02-10 

Արտաքին հղումներԽմբագրել