Ստյուարտ Նիքըլսոն
Ստյուարտ Նիքըլսոն (հունվարի 8, 1948[1][2]), բրիտանացի ջազի պատմաբան, կենսագիր, երաժշտական քննադատ, լրագրող և վերլուծաբան։ Լինելով ջազի պատմության հանրաճանաչ փորձագետ՝ հեղինակել է ջազի այնպիսի աստղերի կենսագրություններ, ինչպիսիք են Էլլա Ֆիցջերալդը, Բիլլի Հոլիդեյը, Դյուկ Էլինգտոնը։ Բազմաթիվ հոդվածներ է գրել լրագրերի, ամսագրերի և ակադեմիական պարբերականների համար, դասախոսել է Լիդսի կոնսերվատորիայում և միջազգային բազմաթիվ երաժշտական հաստատություններում։
| Ստյուարտ Նիքըլսոն | |
|---|---|
| Ծնվել է | հունվարի 8, 1948[1] (76 տարեկան) |
| Քաղաքացիություն | .svg){kind=small} Միացյալ Թագավորություն |
| Մասնագիտություն | հեղինակ |
Կարիերա խմբագրել
Ստյուարտ Նիքըլսոնը ծնվել է Ուելսի Քարդիֆ քաղաքում և երաժշտական տեսաբանի և կլարնետահարի կրթություն է ստացել Ուելսի երաժշտության և թատրոնի քոլեջում, որտեղ սովորել է 1967-1971 թվականներին։ Նա գրել է Էլլա Ֆիցջերալդի, Բիլլի Հոլիդեյի և Դյուկ Էլինգտոնի կենսագրությունները, հրատարակել է ջազին վերաբերող հոդվածներ բազմաթիվ ամսագրերում և թերթերում, ներառյալ «The Observer», «Western Mail», «Gramophone» և այլ պարբերականներում։ Գրել է նաև ջազի և ջազ-ռոքի մասին ընդարձակ վերլուծություններ, Եվրոպայում 21-րդ դարի ջազ-ֆյուժն ոճի զարգացման ժամանակագրության հեղինակն է[2]։ Նիքըլսոնը Լիդս երաժշտական քոլեջի պրոֆեսորադասախոսական կազմի նախկին անդամ է, որտեղ դասավանդել է որպես հրավիրյալ պրոֆեսոր։ 2009 թվականին Ամստերդամի կոնսերվատորիայում կազմակերպված եվրոպական կոնսերվատորիաների ասոցիացիաների համագումարում ջազ պլատֆորմի գլխավոր խոսնակն էր։ Որպես հյուր խոսնակ և դասախոս ելույթներ է ունեցել նաև մի շարք հաստատություններում, ինչպես Լիդսի կոնսերվատորիան, Գրինվիչի երաժշտության և պարի Տրինիտի կոնսերվատորիան, Վիեննայի երաժշտության և կատարողական արվեստի համալսարանը, Ուելսի երաժշտության և թատրոնի քոլեջը, Նորվեգիայի Մայջազ փառատոնը և Էսեքսի ջազի ազգային արխիվը[2]։
Աշխատություններ խմբագրել
- Էլլա Ֆիցջերալդ, ջազի առաջին տիկնոջ կենսագրություն (առաջին հրատարակությունը լույս է տեսել 1993 թվականին, երկրորդը՝ 2004 թվականի փետրվարին, Լոնդոնում)
- Բիլլի Հոլիդեյ (1995 թվական, Լոնդոն)
- Ջազ.ժամանակակից վերածնունդ (1990 թվական, Լոնդոն), վերահրատարակվել է որպեսՋազ.1980-ականների վերածնունդ (1995թվական, Նյու Յորք)
- Ջազ-ռոք. պատմություն (1998 թվական, Լոնդոն)
- Վերհիշելով տեմպը.Դյուկ Էլինգտոնի դիմանկարը (1999 թվական, Լոնդոն)
- Մի՞թե ջազը մահացել է (Թե՞ փոխել է հասցեն) (2005 թվական, Լոնդոն)
Ծանոթագրություններ խմբագրել
- ↑ 1,0 1,1 Deutsche Nationalbibliothek Record #113408404 // Gemeinsame Normdatei (գերմ.) — 2012—2016.
- ↑ 2,0 2,1 2,2 Michael C. Heller (2016 թ․ հունվարի 20). «Nicholson, Stuart». Grove Music Online. Oxford Music Online. Oxford University Press. doi:10.1093/gmo/9781561592630.article.A2289168.