Ստյոպա Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Ստյոպա (Ռոզին) Քրիստափորի Վարդանյան (1901, Թիֆլիս —1937), Անդրկովկասում խորհրդային ռեժիմի հաստատման աջակից, ԽՄԿԿ անդամ (1916)։
Ստյոպա Վարդանյան | |
---|---|
Ծնվել է | 1901 |
Մահացել է | 1937 |
Մասնագիտություն | հեղափոխական |
Բաքվի նավթահանքերում աշխատելիս բանվորների շրջանում տարածել է ագիտացիոն թռուցիկներ, կատարել կուսակցական հանձնարարություններ։ 1917-1919 թթ.-ին ընդհատակյա աշխատանք է տարել Թիֆլիսի երիտասարդության շրջանում։ «Սպարտակ» կազմակերպության հիմնադիրներից է, ընտրվել է Վրաստանի կոմերիտմիության առաջին քարտուղար։ Վարդանայնը մասնակցել է Կոմինտերնի II կոնգրեսի աշխատանքներին, հանդիպել է Վլադիմիր Լենինի հետ։ 1921-ին ընտրվել է Թիֆլիսի հեղկոմի կազմում, աշխատել որպես ներքին գործերի կոմիսար, բանակի քաղբաժնի պետ։ 1922-ից եղել է Էջմիածնի և Նոր Բայազետի գավառային գործկոմների նախագահ, զինվորական կոմիսար Երևանում։ 1925-ից աշխատել է Անդրֆեդերացիայի ապարատում (ԲԳՏ-ի պետական ապարատի բարելավման տեսչության պետ, Պետպլանի նախագահի տեղակալ, «Զարյա Վոստոկա» («Заря Востока») թերթի խմբագիր)։ 1931-ին նշանակվել է Վարդանյանը ՀԿ(բ) կ Կենտկոմի երկրորդ քարտուղար, 1932 թ.-ից՝ ՀամԿ(բ)կ Տագանրոգի քաղկոմի առաջին քարտուղարը։ Եղել է ՀԽՍՀ, Անդրֆեդերացիայի և ԽՍՀՄ Կենտգործկոմների անդամ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 322)։ |