Սեդատիվ դեղամիջոցներ
Սեդատիվ կամ հանգստացնող դեղամիջոցներ , ( ֆր.՝ sédatif -ից լատին․՝ sedatio «հանգիստ») տարբեր ծագման դեղամիջոցների խումբ են՝բուսական կամ սինթետիկ ,որոնք առանց հիպնոտիկ ազդեցության հանգստացնում կամ նվազեցնում են հոգեկան լարվածությունը (միաժամանակ հեշտացնում են հանգիստ և խորը քունը)։
Ժամանակակից տրանկվիլիզատորների համեմատ, հատկապես բենզոդիազեպինների,սեդատիվ դեղամիջոցները ունեն ավելի քիչ արտահայտված հանգստացնող կամ հակաֆոբիկ ազդեցություն ՝չառաջացնելով միոռելակսացիա և ատաքսիա։Այնուամենայնիվ, լավ տանելիությունը և լուրջ կողմնակի ազդեցությունների բացակայությունը թույլ են տալիս դրանք օգտագործել ամենօրյա ամբուլատոր պրակտիկայում, հատկապես տարեց և ծեր հիվանդների բուժման ժամանակ:Ամենից հաճախ որպես հանգստացնող դեղաբույսեր օգտագործվում են վալերիանայի, առյուծագու, անանուխի պատրաստուկներ։Լայնորեն կիրառվում են բրոմիդները։Բացի այդ, որոշ քնաբերներ փոքր չափաբաժիններով, ինչպիսիք են բարբիտուրատները, օգտագործվում են որպես հանգստացնող: Խորհուրդ չի տրվում քնաբերների երկարատև օգտագործումը որպես հանգստացնող միջոց:
Համակցված սեդատիվ դեղամիջոցներ
Համակցված հանգստացնողները ներառում են.
- Բեխտերևի խառնուրդը (պարունակում է նատրիումի բրոմիդ, գարնանային ադոնիսի ոգեթուրմ և կոդեինի ֆոսֆատ)
- վալոկարդին,կարվոլոլ
- վալիդոլ:
Սեդատիվ դեղամիջոցները ատամնաբուժությունում
Հանգստացնող միջոցները, որոնք հաճախ օգտագործվում են տեղային անզգայացման հետ համատեղ, օգտագործվում են մի շարք բժշկական պրոցեդուրաներում, օրինակ ստոմատոլոգիայում:Այդ դեպքում հիվանդը գիտակից է և պահպանվում են բոլոր կենսական ռեֆլեքսները[1]:Խորը անզգայացման այս այլընտրանքը կարող է օգտագործվել, եթե հիվանդը ունի դենտաֆոբիա (վախ ատամնաբույժից)[2]։
Տես նաև
Գրականություն
Ծանոթագրություններ
- ↑ Как за несколько часов вылечить все зубы Արխիվացված 2012-05-26 Wayback Machine, РБК, 24 мая 2012 г.
- ↑ Дентофобия лечится наркозом? Как избавиться от страха перед стоматологом Արխիվացված է Նոյեմբեր 2, 2012 Wayback Machine-ի միջոցով:, АиФ, 30 августа 2012 г.