Թուրքական և իսլամական արվեստի թանգարան

Թուրքական և իսլամական արվեստների թանգարան (թուրքերեն՝ Türk ve İslam Eserleri Müzesi), թանգարան Թուրքիայի Ստամբուլ քաղաում։ Գտնվում է Սուլթանահմեդ հրապարակում՝ Իբրահիմ փաշայի պալատում։

Թուրքական և իսլամական արվեստի թանգարան
Տեսակ	թանգարանի շենք, ազգային թանգարան և թանգարան
Երկիր	Թուրքիա
Տեղագրություն	Ֆաթիհ
Ղեկավարության նստավայր	Ibrahim Pasha Palace, Ստամբուլ, Թուրքիա
Հիմնադրվել է	1914

Թանգարանի շենքը

Թանգարանը հիմնադրվել է 1914 թվականին։ Ի սկզբանե թանգարանը ուներ ուրիշ անվանում և գտնվում այլ վայրում։ Իր ներկայիս անվանումը թանգարանը ստացել է Հանրապետության հիմնադրումից հետո։ Իսկ արդեն Իբրահիմ փաշայի պալատի տեղափոխվել է 1938 թվականին։ Իբրահիմ փաշայի պալատը կառուցվել է 16-րդ դարում։ 1984 թվականին թանգարանը ստացել է Եվրոպայի Խորհրդի հատուկ մրցանակ, իսկ 1985 թվականին՝ ՅՈՒՆԵՍԿՕ-ի հատուկ մրցանակ։

Թանգարանը ունի ավելի քան 40 000 ցուցանմուշ։ Դա կերամիկայի, արձանների, ապակե իրերի, փայտից, քարից և մետաղներից պատրաստված ցուցանմուշների հավաքածու է։ Այստեղ կարելի է գտնել նաև իրեր, որոնք պատկանել են օսմանյան սուլթաններին։ Այստեղ պահվում են նաև պատմական փաստաթղթեր և ոսկյա զարդանմուշներ։ Մեծ ճանաչում ունի թանգարանի գորգերի հավաքածուն։ Այստեղ հավաքված են գորգագործության լավագույն նմուշները։

Թանգարանը ունի յոթ բաժին՝

1. Փայտից պատրաստված իրերի բաժին,
2. Հախճապակու և ապակուց պատրաստված իրերի բաժին,
3. Մետաղական իրերի բաժին,
4. Ազգագրության բաժին,
5. Քարից պատրաստված իրերի բաժին,
6. Գորգերի բաժին,
7. Մաքրագրության և գեղագրության բաժին։

Թանգարանը բաց է առավոտյան ժամը 9:30-ից մինչ 17:30 բոլոր օրերին, բացի երկուշաբթի օրից։

Պատկերասրահ

• 
  Պղնձե թեյնիկ և աման, 1870
• 
  Օսմանյան նարգիլե (կլկլակ), 1628
• 
  Հախճապակե սկահակ
• 
  Պատկերազարդ դուռ
• 
  Լոգանքի կոշիկ
• 
  Մեկ այլ նմուշի լոգանքի կոշիկ

Արտաքին հղումներ

• Տեղեկություններ թանգարանի մասին Արխիվացված 2016-03-04 Wayback Machine
• Ֆոտոպատկերասրահ

Վիքիպահեստն ունի նյութեր, որոնք վերաբերում են «Թուրքական և իսլամական արվեստի թանգարան» հոդվածին։