Սամվել Ղազարյան

Սամվել Արմենի Ղազարյան (1949, հուլիսի 20, Երևան), հայ քանդակագործ, նկարիչ-ձևավորող։

Սամվել Ղազարյան
Ի ծնե	Սամվել Արմենի Ղազարյան
Ծնվել է	1949 հուլիսի 20
Ծննդավայր	Երևան
Ազգություն	Հայաստան
Կրթություն	Երևանի պետական գեղարվեստա-թատերական ինստիտուտ (1978)
Ստեղծագործություն(ներ)	Կոմիտասի կիսանդրի
Մասնագիտություն	քանդակագործ և նկարիչ
Գործունեությունը	քանդակագործ, նկարիչ-ձևավորող
Աշխատավայր	Երևանի պետական գեղարվեստա-թատերական ինստիտուտ

Կենսագրություն

1978 թվականին ավարտել է Երևանի գեղարվեստա-թատերական ինստիտուտը, 1978-1990 թթ. դասավանդել է Երևանի գեղարվեստա-թատերական ինստիտուտում։

Գործերին բնորոշ են պլաստիկ ձևերի հստակությունը, հավասարակշռվածությունը, գաղափարների փիլիսոփայական իմաստավորումը։

Ստեղծագործություններ

Գործերից են՝

• «Կանոն» (1979)
• «Հավասարակշռություն» (1984, Տաշքենդ)
• «Ծովինար» (1985, Իջևան)
• «Հայոց պատմություն», «Փոքր Մհեր» (երկուսն էլ՝ 1989)
• «Դժոխքի դուռը» (1994)
• «Ավետում» (1998)
• Կոմիտասի կիսանդրին (2005, Քվեբեկ, Կանադա)

Հեղինակ է նաևՎոլֆգանգ Գյոթեի «էդմոնտ» (1998), Դոստոևսկու «Դեռահասը» (2003) գործերի ձևավորումների, գրաֆիկական թերթերի։

Քանդակներից տեղադրված են Մոսկվայում, Քիշնևում, Բիշքեկում, Սամարղանդում, գործերից պահվում են Հայաստանի ազգային պատկերասրահում, ԺԱԹ-ում, Տրետյակովյան պատկերասրահում (Մոսկվա), էրմիտաժում (Սանկտ Պետերբուրգ) և այլուր։

Մրցանակներ

Արժանացել է քանդակի համաժողովի մրցանակի (1984, Տաշքենդ), բիենալեի արծաթե մեդալի (1986, Թբիլիսի), «Ռիգա-88» միջազգային կվադրենալեի մրցանակների և ոսկե մեդալների, 10-րդ (գավաթ, 1992), 11-րդ և 13-րդ (1994, 1998, ոսկե մեդալներ, Ռավեննա) միջազգային բիենալեների դափնեկիր է։

Ցուցահանդեսներ

Անհատական ցուցահանդեսներ է ունեցել Երևանում (1997, 2003)։