Սուրեն Բայրամյան

Վիքիպեդիայում կան հոդվածներ Բայրամյան ազգանունով այլ մարդկանց մասին։

Սուրեն Նարպեյի Բայրամյան (մարտի 10, 1943(1943-03-10), Կահիրե, Եգիպտոս), բժիշկ, խմբագիր, մատենագետ։

Սուրեն Բայրամյան
Ծնվել է	մարտի 10, 1943(1943-03-10) (81 տարեկան)
Ծննդավայր	Կահիրե, Եգիպտոս
Կրթություն	Կահիրեի համալսարան և Գալուստյան ազգային վարժարան
Մասնագիտություն	խմբագիր, մատենագետ և բժիշկ

Կենսագրություն

1955 թվականին ավարտել է Կահիրեի Գալուստյան ազգային, 1960-ին՝ Մարոնիների երկրորդական վարժարանները, 1965 թվականին՝ Կահիրեի համալսարանը։

1975 թվականից՝ ազգային երեսփոխան, Կահիրեի Պատկառելի թեմական ժողովի անդամ-ատենադպիր, 2011 թվականից՝ «Հուսաբեր» մշակութային ընկերակցության ատենապետ։

1982–1987 թվականներին՝ «Յուսաբեր» օրաթերթի խմբագիր։

Բժշկական և գիտական հոդվածներ է տպագրում եգիպտահայ և Սփյուռքի այլ պարբերականներում։

Լույս են տեսել Բայրամյանի «Հայ մամուլը Եգիպտոսի մէջ» (հայերեն՝ 2005 թվական, արաբերեն՝ 2013), «Հայ գիրքը Եգիպտոսի մէջ. 1888–2011» (2012, Կահիրե, Փոլ Քիլիճյան հրտարակչություն) մատենագիտական աշխատությունները։

Մրցանակներ

• Հայ եկեղեցու «Սուրբ Սահակ-Սուրբ Մեսրոպ» շքանշան (1999 թվական)
• ՀՄԸՄ կեդրոնական վարչության «Արտակարգ» շքանշան (1999)
• Մեծի Տանն Կիլիկիո կաթողիկոսության «Սուրբ Մեսրոպ Մաշտոց» շքանշան (2012)
• ՀԱԳ-ի «Հակոբ Մեղապարտ» հուշամեդալ (2010)
• Մատենադարանի «Սուրբ Մեսրոպ Մաշտոց» հուշամեդալ (2010)

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։