Սուրբ Սիոն եկեղեցի (Ծուղրութ)
- Անվան այլ կիրառումների համար տե՛ս՝ Սուրբ Սիոն եկեղեցի (այլ կիրառումներ)
Սուրբ Սիոն եկեղեցի (նաև՝ Սուրբ Հակոբ եկեղեցի)[1], Հայ Առաքելական Սուրբ Եկեղեցի, գտնվում է Վրաստանի Սամցխե-Ջավախք մարզի Ախալցխայի շրջանում, Ախալցխայից 4 կմ դեպի հյուսիս-արևմուտք հայաբնակ Ծուղրութ գյուղում,, կառուցվել է 19-րդ դարում։
Սուրբ Սիոն եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Վրաստան |
Տեղագրություն | Ծուղրութ |
Դավանանք | Հայ Առաքելական Եկեղեցի |
Հիմնական ամսաթվերը | 19-րդ դար |
Հիմնադրված | 19-րդ դար |
Ծուղրութ գյուղի Սուրբ Սիոն եկեղեցին հիմնադրվել է, և կառուցվել է 1830-ական թվականներին և այն եղել է փայտաշեն կառույց։ Եկեղեցու հարավային պատին կա արձանագրություն[2], որտեղ ասվում է․
Շինեցաւ ս(ուր)բ Սիօն եկեղեցիս - ի 5-ն մայիսի 1881 ամի - սկսեալ եւ աւարտեալ - օգոստոսի նոյն ամի |
Ըստ արձանագրության 1881 թվականինհին հին եկեղեցու տեղը կառուցվել է նոր եկեղեցի։ Ըստ 1830-1840-ական թվականների արխիվների, ի սկզբանե եկեղեցին անվանվել է «Սուրբ Հակոբ», որից հետո 1875 թվականին արդեն իսկ հիշատակվում է «Սուրբ Սիոն» անունով։
1875 թվականի դրությամբ եկեղեցին վթարային էր և վերանորոգման կարիք ուներ։ Այստեղից հասկանում ենք որ եկեղեցին նախորդ վերակառուցման և վերաօծման ընթացքում ստացել է «Սուրբ Սիոն» անունը։ Իսկ արդեն նորակառույց եկեղեցին որը կառուցվել է 1881 թվականին «Սուրբ Սիոն» անվամբ է։
Եկեղեցին բազիլիկ կառույց է, կառուցված է տուֆ տեսակի քարից, ունի մեկ մուտք, որը գտնվում է հարավային կողմում։ Եկեղեցում է պահվում Տպագիր Ճաշոց գրքերից, դրանց թվում է 1686 թվականի Վենետիկում լույս տեսած Ճաշոց գիրգը.
Ճաշոցի մի քանի ձեռագիր հիշատակումներից[2] ևս․
Գյուղում է պահվում Սուրբ մագաղաթյա Ավետարան, որը գրվել է Հովհաննես Գրչի ձեռքով 974 թվականին, Ավետարանի էջերի քանակն է 395։ Ավետարանի վկայություններից մեկում ասվում է․
Այստեղ կայ մի Աւետարան, որ հանգուցեալ Կարապետ եպիսկոպոսը բերել է Կարնօյ մօտ Սպերու սուրբ Յովհաննէս վանքից միւս զարդերի հետ |
1830-ական թվականներին եկեղեցու հոգևորականն է եղել քահանա Ստեփան քհն. Տեր-Նահապետյանցը, իսկ 1851 թվականին եկեղեցու համար ձեռնադրվել է Մկրտիչ Տեր-Սարգսյանցը, նայև որպես դպիր է հիշատակվում Հովհաննես Ալեքսանյանը։
1904-1909-ական թվականներին եղել է Վարդան Հովհաննիսյան Վարդանյանցը ով ձեռնադրվել է 1896-ի ապրիլի 2-ին, իսկ 1917 թվականին եղել է Եղիշե Տեր-Հակոբյանը։
2013 թվականի հոկտեմբերի 8-ին` եկեղեցու բակում կանգնեցվում է խաչքաչ և օծվում է[3]։
Ծանոթագրություններ
խմբագրել- ↑ «ԾՈՒՂՐՈՒԹ - ՍՈՒՐԲ ՍԻՈՆ (ՍՈՒՐԲ ՀԱԿՈԲ) ԵԿԵՂԵՑԻ». Վերցված է 2021 թ․ օգոստոսի 14-ին.
- ↑ 2,0 2,1 «Research on Armenian Architecture». www.raa-am.com. Արխիվացված է օրիգինալից 2019 թ․ սեպտեմբերի 14-ին. Վերցված է 2021 թ․ օգոստոսի 14-ին.
- ↑ «Ծուղրութի Սուրբ Սիոն եկեղեցում տեղադրվեց խաչքար». Արխիվացված է օրիգինալից 2021 թ․ օգոստոսի 14-ին. Վերցված է 2021 թ․ օգոստոսի 14-ին.
{{cite web}}
: Text "Ջավախք Մեդիա" ignored (օգնություն)