Կապտավանք (Կապուտան)

Կապտավանք;
Հիմնական տվյալներ
Տեսակ	մշակութային արժեք և եկեղեցի
Երկիր	Հայաստան
Տեղագրություն	Կապուտան
Ժառանգության կարգավիճակ	մշակութային հուշարձան Հայաստանում

Կապտավանք (Սուրբ Մինաս եկեղեցի), 14-րդ դարի հայ առաքելական եկեղեցի Կոտայքի մարզի Կապուտան գյուղում։ Գտնվում է գյուղի հյուսիսում՝ բլրի գագաթին^[2]։

Պատմություն խմբագրել

Ըստ եկեղեցու 2-րդ հարկի արևմտյան պատի հյուսիսային եզրի՝ գետնին ընկած քարերից մեկի արձանագրությանը, որի վրա եղել է միայն տարեթիվը, եկեղեցին կառուցվել է 1349 թվականին։ Այդ մասին առաջին անգամ հիշատակվել է 1947 թվականին։

Եկեղեցին կանգուն է եղել մինչև 1920 թվականը։ Վերականգնողական աշխատանքներն իրականացվել են 1981-1983 թվականներին։

Կառույց խմբագրել

Եկեղեցին իր կառույցի մեջ մեկտեղում է երեք տարբեր նշանակության շինություններ՝ դամբարան, եկեղեցի, զանգակատուն։ Հորինվածքով այն եռահարկ, աստիճանավոր կառույց է, և իր շարքի եկեղեցիների մեջ վերջին կառուցվածը։ Եղվարդ քաղաքի Սուրբ Աստվածածին եկեղեցին (1321թ․), Նորավանքի Բուրթելաշեն Սուրբ Աստվածածինը (1339թ․) և Գոշավանքի համահորինվածք եկեղեցին փոքր-ինչ ավելի վաղ ժամանակների կառույցներ են^[2]։

Համահորինվածք մյուս երեք եկեղեցիներից Սուրբ Մինաս եկեղեցին տարբերվում է արտաքուստ աչքի ընկնող ավելի զուսպ լուծումներով, որտեղ հարդարանքի տարրերը հասցված են նվազագույնի։

Կապուտանցիները համբարձման տոնը նշում են Սուրբ Մինաս եկեղեցում^[3]։