Սուրբ Հարություն եկեղեցի (Սանկտ Պետերբուրգ)
Անվան այլ կիրառումների համար տե՛ս՝ Սուրբ Հարություն եկեղեցի (այլ կիրառումներ)
Սուրբ Հարություն եկեղեցի (ռուս.՝ Церковь Святого Воскресения)՝ Հայ առաքելական եկեղեցու տաճար Ռուսաստանի Դաշնության Սանկտ Պետերբուրգ քաղաքի հայկական գերեզմանատան մոտ[1]։
Սուրբ Հարություն եկեղեցի Церковь Святого Воскресения | |
---|---|
Հիմնական տվյալներ | |
Տեսակ | եկեղեցի և ճարտարապետական հուշարձան |
Երկիր | ![]() |
Տեղագրություն | ![]() |
Դավանանք | Հայ Առաքելական Եկեղեցի |
Թեմ | Նոր Նախիջևանի և Ռուսաստանի թեմ |
Հոգևոր կարգավիճակ | գործող |
Հիմնական ամսաթվերը | 1791 |
Ներկա վիճակ | գերազանց |
Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
Ճարտարապետ | Յուրի Ֆելտեն |
Հիմնադիր | Հովհաննես Լազարյան |
Կառուցման սկիզբ | մայիսի 4 1791 |
Կառուցման ավարտ | 1793 |
Հիմնադրված | 1791 |
![]() | |
![]() | |
![]() |
Ներկա դրությամբ վանքի առաջնորդը Սարգիս Չոփուռյանն է[2]։
Հիմնադրում
խմբագրելՍանկտ Պետերբուրգում առաջին հայերը հաստատվել էին դեռ Պետրոս I կայսեր օրոք։ Մինչև 1791 թվականը նրանց թաղվում էին Սմոլենսկի գերեզմանատանը, սակայն 1791 թվականից Եկատերինա II կայսրուհու հրամանով բացվում է առանձին հայկական գերեզմանատուն։ Միաժամանակ՝ 1791 թվականի մայիսի 4–ին գերեզմանին կից կառուցվում է Սուրբ Հարություն եկեղեցին։
Եկեղեցու շինարարությունը սկսվել է Պետերբուրգի հայ համայնքի առաջնորդ Հովհաննես Լազարյանի նախաձեռնությամբ։ 1791 թվականին ռուս-շվեդական պատերազմում զոհվում է իր միակ որդին՝ Արտեմը, և եկեղեցին սկզբնական շրջանում կառուցվում է որպես ընտանեկան դամբարան։ 1793 թվականին տեղի է ունեցել եկեղեցու օծումը։
Եկեղեցու նախագծի հեղինակն է Յուրի Ֆելտենը, ով հայկական եկեղեցիներ էր կառուցել Սանկտ Պետերբուրգում (Սուրբ Կատարինե) և Մոսկվայում (Սուրբ Խաչ). Եկեղեցին կառուցել են ճարտարապետներ Եգոր Սոկոլովը, Պորտոն և Բերնիկովը։
1901 թվականին ճարտարապետ Ալեքսանդր Կոչետովի նախագծով նրան կից կառուցվել է եկեղեցական տուն, որի պատերը զարդարված են հայկական ճարտարապետական նախշերով ու քանդակներով։
Խորհրդային շրջան
խմբագրել1930–ական թվականներին եկեղեցին փակվել է և օգտագործվել որպես քանդակագործության արհեստանոց։ Միայն 1988 թվականին եկեղեցին վերադարձվել է հավատացյալներին։
Արդի շրջան
խմբագրել1994 թվականին եկեղեցու դիմաց կանգնեցվել է երևանցի վարպետ Ա․Հովսեփյանի կողմից պատրաստված խաչքար։
Տես նաև
խմբագրելԾանոթագրություններ
խմբագրել- ↑ «ХРАМЫ ЦЕНТРА САНКТ-ПЕТЕРБУРГА». Արխիվացված է օրիգինալից 2009 թ․ հունիսի 21-ին. Վերցված է 2014 թ․ հունիսի 5-ին.
- ↑ Адреса и телефоны действующих церквей Ново-Нахичеванской и Российской Епархии ААЦ