Սուրբ Գևորգ եկեղեցի (Կանաչուտ)

Անվան այլ կիրառումների համար տե՛ս՝ Սուրբ Գևորգ եկեղեցի (այլ կիրառումներ)

Սուրբ Գևորգ եկեղեցի, Հայ Առաքելական եկեղեցի Արարատի մարզի Կանաչուտ գյուղում։ Ընդգրկված է Կանաչուտի պատմության և մշակույթի անշարժ հուշարձանների ցանկում։

Սուրբ Գևորգ եկեղեցի
Հիմնական տվյալներ
Տեսակ	եկեղեցի
Երկիր	Հայաստան
Տեղագրություն	Հայաստան Արարատի մարզ, Կանաչուտ
Դավանանք	Հայ Առաքելական Եկեղեցի
Թեմ	Արարատյան Հայրապետական թեմ
Հոգևոր կարգավիճակ	Գործող
Հիմնական ամսաթվերը	1908
Ներկա վիճակ	Կանգուն
Կազմված է	Խաչքար
Ժառանգության կարգավիճակ	մշակութային հուշարձան Հայաստանում
Ճարտարապետական ոճ	հայկական ճարտարապետություն
Կառուցման ավարտ	20-րդ դար
Հիմնադրված	1908
St Gevorg, Kanachout, Ararat Region Վիքիպահեստում

Պատմություն

Գտնվում է Կանաչուտ գյուղի մեջ։ Կառուցվել է 1908 թվականին։ Ուղղանկյուն հատակագծով, արևելքից արևմուտք ձգված, երկթեք տանիքով կառույց է։ Արևելյան կողմում ավագ խորանն է՝ կից ավանդատներով։ Ունի երկու մուտք՝ արևմտյան և հարավային ճակատներում։ Կառույցի անկյունները հարդարված են կիսասյուներով։ Եկեղեցու հարավային պատին ագուցված է 12-13-րդ դարերի խաչքար։ Կառուցված է տեղական գորշ տուֆով։ Եկեղեցին չի գործել 1937 թվականից։

Հիմնովին վերակառուցվել է 2007 թվականին, տեղաբնակ ՀՀ ոստիկանության պետ (2008-2011 թվականներ) Ալիկ Սարգսյանի հովանավորությամբ։ 2007 թվականի ապրիլի 14-ին Նավասարդ սրբազանը վերաօծել է Կանաչուտ գյուղի վերակառուցված Սուրբ Գևորգ եկեղեցին։ Վերակառուցման հեղինակը ճարտարապետ Հակոբ Բաբախանյանն է։ Եկեղեցու արևմտյան պատին զետեղված է արձանագրություն եկեղեցու վերակառուցման մասին։

Գրականություն

• Ներսիսյան Խ., Դավթյան Ն., Կանաչուտ, Երևան, 2009։
• Հակոբյան Ս., Արարատի մարզ, Երևան, 2010։

Ծանոթագրություններ

Հայաստանի պատմության և մշակույթի անշարժ հուշարձան, օբյեկտ № 3.51/2

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Գևորգ եկեղեցի (Կանաչուտ) կատեգորիայում։