Սուրբ Գայանե եկեղեցի (Ջերմուկ)
Անվան այլ կիրառումների համար տե՛ս՝ Սուրբ Գայանե եկեղեցի (այլ կիրառումներ)
Սուրբ Գայանե եկեղեցի, Հայ առաքելական եկեղեցի Հայաստանի Վայոց ձորի մարզի Ջերմուկ քաղաքում։
| Սուրբ Գայանե եկեղեցի | |
|---|---|
 Սուրբ Գայանե եկեղեցի | |
| Հիմնական տվյալներ | |
| Տեսակ | եկեղեցի |
| Երկիր |  Հայաստան |
| Դավանանք |  Հայ Առաքելական եկեղեցի |
| Թեմ | Վայոց ձորի թեմ |
| Հիմնական ամսաթվերը | 2007 |
| Ներկա վիճակ | գործող |
| Ճարտարապետ | Սամվել Աղաջանյան |
| Ճարտարապետական ոճ | հայկական ճարտարապետություն |
| Հիմնադրված | 2007 |
Պատմություն խմբագրել
Սուրբ Գայանե կույսի անունը կրող Սուրբ Գայանե եկեղեցին գտնվում է Վայոց ձորի մարզի Ջերմուկ քաղաքում։ Կառուցվել է 2007 թվականին Աշոտ Արսենյանի բարերարությամբ։ Եկեղեցին օծվել է 2007 թվականի նոյեմբերի 17-ին՝ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմից։
Եկեղեցու ներսի արևմտյան դռան վերևում կա կառուցման մասին արձանագրություն. «Ի Հայրապետութեան Տ.Տ. Գարեգնի Բ եւ յառաջնորդութեան Տ. Աբրահամայ եպս-ի կառուցաւ զեկեղեցիս Ս. Գայանեայ բարերարութեամբ Աշոտ Արսենեանի ի թիվ 2007 ճարտարապետ Սամվել Աղաջանեան»։
Սուրբ Գայանե եկեղեցին պարզ գմբեթավոր փոքրիկ եկեղեցի է, ունի մեկ խորան, մկրտության ավազան, երկու ավանդատուն, երկու փայտաշեն դռներ՝ արևմտյան և հարավային կողմերում։ Եկեղեցին լուսավորվում է գմբեթի 12 և եկեղեցու 8 նեղ ու փոքրիկ լուսամուտների ու մեկ մեծ ջահի շնորհիվ։
Եկեղեցին ներսից զարդարված է վեց մեծ սրբապատկերներով, որոնց վրա պատկերված են Քրիստոսի խաչելության, հայոց դարձի, Սուրբ Աստվածածնի և Սուրբ Գայանե կույսի նկարները։ Գմբեթի կաթողիկեի ու չորս սյուների միջև պատկերված են չորս ավետարանիչների որմնանկարները, իսկ գմբեթի մեջ գրված է. «Փառք Քեզ Տեր Աստված մեր, որ լսեցիր մեր Աղոթքը»[1]։
Սուրբ Գայանե եկեղեցու ուխի օրերն են՝
- Եկեղեցու օծման օրը՝ նոյեմբերի 17
- Սուրբ Գայանե կույսի հիշատակման օր
Ծանոթագրություններ խմբագրել
- ↑ «Ջերմուկի Սուրբ Գայանե եկեղեցի». Արխիվացված է օրիգինալից 2015 թ․ ապրիլի 6-ին. Վերցված է 2014 թ․ դեկտեմբերի 14-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սուրբ Գայանե եկեղեցի (Ջերմուկ) կատեգորիայում։ |