Սուրբ Անտոնիոս Պադուացու եկեղեցի

Սուրբ Անտոնիոս Պադուացու եկեղեցի, կաթոլիկ բազիլկա քաղաք Ստամբուլում, Թուրքիա։ Գտնվում է քաղաքի եվրոպական մասում, Բեյօղլի թաղամասում, Իստիկլալ փողոցի 171 հասցեում։

Սուրբ Անտոնիոս Պադուացու եկեղեցի
St. Antuan Katolik Kilisesi
Սուրբ Անտուանի եկեղեցին.jpg
Եկեղեցու տեսքը
Հիմնական տվյալներ
Տեսակեկեղեցի
ԵրկիրԹուրքիա Թուրքիա
ՏեղագրությունՍտամբուլ, Թուրքիա Թուրքիա
ԴավանանքՀռոմի Կաթոլիկ եկեղեցի
ԹեմApostolic Vicariate of Istanbul?
Ներկա վիճակգործող
ՆվիրվածԱնտոնի Պադուացի
ԱնվանվածԱնտոնի Պադուացի
Ճարտարապետական նկարագրություն
ՃարտարապետՋուլիո Մոնջերի
Ճարտարապետական ոճՎենետիկյան
Կառուցման սկիզբ1906 թվականի օգոստոսի 23
Կառուցման ավարտ1912 թիվ, փետրվարի 15
Հիմնադրված1906
Շինանյութաղյուս

ՀիմնադրումԽմբագրել

Ֆրանցիսկյան միաբանության վանականները Ստամբուլում հայտնվել են դեռևս XIII դարում։ Առաջին եկեղեցին, որը նվիրված էր սուրբ Ֆրանցիսկ Ասսիզեցուն՝ միաբանության հիմնադրին, կառուցվել է Գալաթայում 1230 թվականին։ Սուրբ Ֆրանցիսկի եկեղեցին այն սակավաթիվ քարաշեն շինություններից էր, որը դիմակայեց 1696 թվականի հրդեհին։ Սակայն, հրդեհից հետո, սուլթան Մուստաֆա II-ի հրամանով այն վերցվեց ֆրանցիսկներից և վերածվեց մզկիթի։ 1724 թվականին իտալական համայնքը կառուցեց նոր եկեղեցի՝ նվիրված Սուրբ Անտոնիոս Պադուացուն։ Այդ եկեղեցին կանգուն մնաց 180 տարի։ 1904 թվականին այն քանդում են՝ հիմնավորումով որ խանգարում է տրամվայի ռելսերի անցկացմանը։ Թուրքական կառավարությունը ոչ հեռու հատկացնում է հողատարածք։ Արդյունքում 1906 թվականի օգոստոսի 23-ին դրվում է նորակառույց եկեղեցու առաջին քարը։

Եկեղեցին վենետիկյան նեոկլասիցիզմի ոճով էր, որի նախագծի հեղինակն էր իտալացի ճարտարապետ Ջուլիո Մոնջերին։ Եկեղեցու շինարարությունն ավարտվեց 1912 թվականի փետրվարի 15-ին[1]: Միաժամանակ եկեղեցուն կից կառուցվեցին նաև երկու հինգհարկանի շինություններ՝ եկեղեցու ոճին հարիր։ Այդ իսկ պատճառով եկեղեցին հայտնվեց մեծ բակի ներսում։ Իստիկլալ փողոցից դեպի եկեղեցու գնալու համար պետք է անցնել գեղեցիկ սլաքաձև կամարակապի տակով։

1932 թվականին Հռոմի պապ Պիոս XI եկեղեցուն տվեց փոքր բազիլիկայի աստիճան։ Այն Ստամբուլի ամենամեծ կաթոլիկ եկեղեցին է[2]: Այդ նույն տարում եկեղեցում առաջին անգամ քարոզեց Անջելո Ջուզեպպե Ռոնկալլին, ապագա Հռոմի պապ Հովհաննես XXIII-ը։ Նա Պապի անունից ծառայեց այստեղ 10 տարի։ Եկեղեցու մոտ տեղադրված է Հովհաննես XXIII Պապի արձանը[3]:

ԿառուցվածքԽմբագրել

Ուղղանկյուն շինությունն ունի հետևյալ չափերը՝ 20 х 50 մետր։ Այն կառուցված է կերամիկական կարմիր աղյուսից։ Եկեղեցու ճակատին ոչ մեծ աշտարակներ են և երեք մեծ վարդակերպ պատուհաններ՝ ապակենախշերով։ Ճակատամուտքը զարդարված է խճանկարով։ Եկեղեցու ներսի ինտերիերում ուշադրության է արժանի առաստաղը, որտեղ որմնանկարներ են՝ աստվածաշնչյան տեսարաններով։ Պատերը զարդարված են խճանկարային որմնասալիկներով։

ՊատկերասրահԽմբագրել

ԾանոթագրություններԽմբագրել

Արտաքին հղումներԽմբագրել