Սուսու (ֆր.՝ Soussous), ժողովուրդ։ Բնակվում են Գվինեայում, Սիեռա Լեոնեում և Սենեգալում։ Թիվը՝ մոտ 0,9 միլիոն (1978 թ.)։ Լեզուն պատկանում է մանդե լեզուների հարավային խմբին, կրոնը՝ իսլամ։ Սուսուին արագորեն ձուլվում են հարևան փոքր ժողովուրդները (բագա, լանդումա, նալու և այլն)։ Զբաղվում են հիմնականում հողագործությամբ (բրինձ, վարսակ, անանաս, բանան) և ձկնորսությամբ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 199)։
