Սմիռնիոպսիս
Սմիռնիոպսիս | ||||||||||||
---|---|---|---|---|---|---|---|---|---|---|---|---|
Գիտական դասակարգում | ||||||||||||
|
||||||||||||
Լատիներեն անվանում | ||||||||||||
Smymiopsis
| ||||||||||||
|
Սմիռնիոպսիս (լատին․՝ Smyrniopsis), նեխուրազգիների (հովանոցավորներ) ընտանիքի բազմամյա խոտաբույսերի ցեղ։ Հայտնի է 4 տեսակ։
Հայաստանում խմբագրել
Հայաստանում՝ 1 տեսակ՝
- Սմիռնիոպսիս հայկական (լատին․՝ Տ. armena)։
Հանդիպում է միայն Սուլեմայի լեռնանցքի հարավային լանջին (2200-2300 մ բարձրներում) և Գետիկվանք գյուղի (Վայոց ձորի մարզ) շրջակայքում։ Աճում է չոր, քարքարոտ կամ խճապատ լանջերին, թփուտներում։ Հայաստանին բնաշխարհիկ է, գրանցված է Հայաստանի Կարմիր գրքում։
Կենսաբանական նկարագիր խմբագրել
Արմատը խոշոր է, առանցքային, արմատապտղանման։ Ցողունը մերկ է, ճյուղավորվող, բարձրությունը՝ մինչև 2,5 մ։ Տերևները կրկնակի-եռակի փետրաբաժան են։ Ծաղկաբույլը տարածված հովանոցանման է, ծաղիկները՝ դեղին։
Ծաղկում է հուլիս-օգոստոսին։ Պտուղը սերմիկ է՝ դարչնի յուրահատուկ հոտով։
Նշանակություն խմբագրել
Դեղաբույս է. պարունակում է կումարինի ածանցյալներ, գլիկոզիդներ, աղաղանյութեր, ալկալոիդներ։
Ժողովրդական բժշկության մեջ պատրաստուկներն օգտագործել են հեղձուկի, ստամոքսաղիքային հիվանդությունների, նորագոյացությունների ժամանակ։
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |
Վիքիցեղերն ունի նյութեր, որոնք վերաբերում են «Սմիռնիոպսիս» հոդվածին։ |
Վիքիպահեստն ունի նյութեր, որոնք վերաբերում են «Սմիռնիոպսիս» հոդվածին։ |