Սիրո՞ւմ եմ արդյոք քեզ
«Սիրո՞ւմ եմ արդյոք քեզ» (ռուս.՝ «Люблю ли тебя?», այլ անուն`«Ամուսնության կատակերգությունը»), խորհրդային կատակերգական գեղարվեստական ֆիլմ, որը նկարահանել է ռեժիսոր Սերգեյ Գերասիմովն իր սցենարով 1934 թվականին «Լենֆիլմի» ստուդիայում։
 ռուս.՝ Люблю ли тебя? | |
|---|---|
| Երկիր | .svg){kind=small} ԽՍՀՄ |
| Թվական | ապրիլի 19, 1934 |
| Ռեժիսոր | Սերգեյ Գերասիմով |
| Սցենարի հեղինակ | Սերգեյ Գերասիմով |
| Կինոընկերություն | Լենֆիլմ |
| Տևողություն | 65 րոպե |
Ֆիլմի պրեմիերան տեղի է ունեցել 1934 թվականի ապրիլի 19-ին։ Այն ներկայում չի պահպանվել։
Սյուժե
խմբագրելՖիլմը պատմում է վերջերս ամուսնացած երիտասարդ ամուսինների՝ խորհրդային ուսանողների կյանքի ու կենցաղի մասին։
Երիտասարդ ամուսիններ Նատաշայի և Սերգեյի երջանկությունը երկար չի տևում։ Առաջին վիճաբանությունը տեղի է ունեցել տապակած ձկների պատճառով, որոնք Նատաշան դրել է Սերգեյի դիպլոմային գծագրի վրա։ Դրան հաջորդում են այլ վեճեր։
Մի անգամ Նատաշան դուրս է գալիս տանից և գիշերում ընկերներից մեկի մոտ։ Նատաշան դավաճանում է ամուսնուն։ Հաջողությամբ պաշտպանելով դիպլոմը՝ Սերգեյը միայնակ մեկնում է Կովկաս։
Նատաշան հասկանում է, որ ինքը ճիշտ չէր։ Դիպլոմը պաշտպանելուց հետո նա հեռագիր է ուղարկում իրեն սիրել շարունակող Սերգեյին՝ հայտնելով իր ժամանման մասին։
Դերերում
խմբագրել- Տամարա Մակարովա – Նատալյա, նորապսակ կին
- Վլադիմիր Մարև – Սերգեյ, երիտասարդ ամուսին
- Նինա Շատերնիկովա – Վերկա
- Կոնստանտին Նազարենկո – Կոստյա, ասպիրանտ
- Օլեգ Ժակով – Սենյա, ուսանող
- Միխայիլ Ռոստովցև – պրոֆեսոր
- Ելենա Դեյնեկո – Մադամ Լալա Տուշկանչիկ
- Իվան Կուզնեցով – Նիկոլկա
- Նիկոլայ Չերկասով – ուսանող
- Ստեպան Կայուկով – պարոն Տուշկանչիկ «Վեց անգամ ութ՝ քառասունութ» մականունով
- Լեոնիդ Կմիտ – դրվագ
- Ստեպան Կռիլով – դրվագ
- Վասիլի Չումաչենկո – դրվագ
- Պյոտր Ալեյնիկով – դրվագ
- Վալենտինա Տելեգինա – դրվագ
- Բորիս Թեոդոսև – հրամանատար (լուսագրերում նշված չէ)
- Ալեքսանդրա Մատվեև – ռեգիստրատոր (լուսագրերում նշված չէ)
Քննադատություն
խմբագրելՖիլմի էկրան բարձրանալուց կարճ ժամանակ անց կինոգետ Նիկոլայ Յեզուիտովն այն անվանել է գռեհիկ և անքաղաքավարի[1]։
Հետագայում ֆիլմին ավելի դրական գնահատականներ են տրվել։ Մասնավորապես, Սեմյոն Ֆրեյլիխը ֆիլմն անվանել է արժեքավոր[2]։
Ծանոթագրություններ
խմբագրել- ↑ Иезуитов, 1934, էջ 136
- ↑ Фрейлих, 1954, էջ 15
Գրականություն
խմբագրել- Иезуитов Н. Пути художественного фильма. 1919—1934. — М.: Кинофотоиздат, 1934. — 150 с.
- Фрейлих С.И. Искусство кинорежиссёра: творчество народного артиста СССР С.А. Герасимова. — М.: Искусство, 1954. — 270 с.
Արտաքին հղումներ
խմբագրել- «Սիրո՞ւմ եմ արդյոք քեզ»(անգլ.) ֆիլմը Internet Movie Database կայքում
- Фильм «Люблю ли тебя?» (1934)(չաշխատող հղում)