Սերոբ Անճարակյան

Սերոբ Գրիգորի Անճարակյան (1920, Սալոնիկ, Հունաստան - 1943), հայ նկարիչ։

Սերոբ Անճարակյան
Ծնվել է	1920
Ծննդավայր	Սալոնիկ, Հունաստան
Վախճանվել է	1943
Մասնագիտություն	նկարիչ

Կենսագրություն

1926 թվականին Անճարակյանների ընտանիքը Սալոնիկից տեղափոխվել է Երևան։ Յոթնամյա դպրոցն ավարտելուց հետո ընդունվել է Երևանի Գեղարդ տեխնիկումը։ «Տասնհինգամյա Հայաստանը» կտավով Անճարակյանը 1935 թվականին մասնակցել է Խորհրդային Հայաստանի 15-ամյակին նվիրված պատանի ստեղծագործողների հոբելյանական ցուցահանդեսին և արժանացել մրցանակի։ 1939 թվականին, ավարտելով տեխնիկումը, աշխատել է Արթիկի շրջպետթատրոնում։ Ձևավորել է «Խաթաբալա», «Պլատոն Կրեչետ», «Դատավճիռ» և այլ պիեսներ։ 18-20-ամյա պատանու բեմական ձևավորմամբ Արթիկում ներկայացվել են «Պատվի համար», «Գոշ», «Շողոքորթը» դրամաները։ 1943 թվականին 23-ամյա նկարիչը զոհվել է ռազմի դաշտում։