Սերգեյ Պողոսյան (ֆուտբոլիստ)

Անվան այլ կիրառումների համար տե՛ս՝ Սերգեյ Պողոսյան (այլ կիրառումներ)

Վիքիպեդիայում կան հոդվածներ Պողոսյան ազգանունով այլ մարդկանց մասին։

Սերգեյ Լազրի Պողոսյան (ծննդյան պահին՝ Պողոսով, հունիսի 13, 1948(1948-06-13), Բաքու, Ադրբեջանական ԽՍՀ, ԽՍՀՄ), խորհրդային և հայ նախկին ֆուտբոլիստ, հարձակվող։ ԽՍՀՄ սպորտի վարպետ (1971)։

Սերգեյ Պողոսյան (Պողոսով)
Անձնական տվյալներ
Ամբողջական անուն	Սերգեյ Լազրի Պողոսյան
Քաղաքացիությունը	ԽՍՀՄ
Ծննդյան ամսաթիվ	հունիսի 13, 1948 (76 տարեկան)
Ծննդավայր	Բաքու, ԽՍՀՄ
Դիրք	Հարձակվող
Ակումբային տեղեկություններ
Ներկա ակումբ	ավարտել է կարիերան
Մասնագիտական կարիերա*
Տարի	Ակումբ	Խաղ	(Գոլ)
1966-1967 1968-1969 1970-1975	Փոլադ Զենիթ (Լենինգրադ) Արարատ	52 (4) 99 (6)
Պարգևներ և
* Մասնագիտական կարիերայում ընդգրկված են միայն առաջնության խաղերը և գոլերը:

Կարիերան

Ֆուտբոլ սկսել է պարապել Բաքվի ՄՊՄԴ-ում, մարզիչ Էդուարդ Օգանեզովի մոտ։ 1966-1967 թթ. հանդես է եկել ԽՍՀՄ առաջնության երկրորդ խմբում՝ «Փոլադ» (Սումգայիթ) ակումբում։ 1968 թ. Արտյոմ Ֆալյանի հրավերով տեղափոխվել է Լենինգրադի «Զենիթ», զուգահեռաբար սովորելով Լենինգրադի Լեսգաֆտի անվան ֆիզիկական կուլտուրայի ինստիտուտում։

1970 թ. տեղափոխվել է Երևանի «Արարատ», որի կազմում մինչև 1975 թ. խաղացել է ԽՍՀՄ առաջնության բարձրագույն խմբում, ուր մասնակցել է 99 խաղի, խփել 6 գոլ, դարձել ԽՍՀՄ չեմպիոն, գավաթակիր։ 1975 թ. թիմի գլխավոր մարզիչ Վիկտոր Մասլովի հետ ունեցած կոնֆլիկտի արդյունքում հեռացել է թիմից և ավարտել կարիերան։ Երեք անգամ ստացել է կոտրվածքներ։

Հետագայում ավարտել է ԵՊՀ իրավաբանական ֆակուլտետը, որից հետո երկար տարիներ աշխատել է դատախազության համակարգում, հասնելով Հայաստանի Հանրապետության զինվորական դատախազության բաժնի ավագ դատախազի պաշտոնին։ Արդարադատության գնդապետ։

2001-2003 թթ. եղել է Աբովյանի «Կոտայք» ֆուտբոլային ակումբի նախագահ։

2007 թ. հիմնադրել և ղեկավարում է Հայաստանի ֆուտբոլի վետերանների միությունը։

2013 թ. հոկտեմբերի 10-ին Հայկական ֆուտբոլի զարգացման գործում ներդրած նշանակալի ավանդի և ձեռք բերած փայլուն նվաճումների համար պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։

Նվաճումները

Արարատ

• ԽՍՀՄ չեմպիոն՝ 1973
• ԽՍՀՄ գավաթակիր՝ 1973: