Սերգեյ Ավագյանց (գիտնական)

Վիքիպեդիայում կան հոդվածներ Ավագյանց ազգանունով այլ մարդկանց մասին։

Սերգեյ Պետրոսի Ավագյանց (դեկտեմբերի 25, 1940(1940-12-25), Գեորգիևսկ, Ստավրոպոլի երկրամաս, ՌԽՖՍՀ, ԽՍՀՄ - հոկտեմբերի 28, 2012(2012-10-28)), գինու կենսաքիմիայի և տեխնոլոգիայի բնագավառի գիտնական։ Կենսաբանական գիտությունների դոկտոր (1977), պրոֆեսոր (1978)։

Սերգեյ Ավագյանց
Ծնվել է	դեկտեմբերի 25, 1940(1940-12-25) Գեորգիևսկ, Ստավրոպոլի երկրամաս, ՌԽՖՍՀ, ԽՍՀՄ
Մահացել է	հոկտեմբերի 28, 2012(2012-10-28) (71 տարեկան)
Քաղաքացիություն	ԽՍՀՄ և  Ռուսաստան
Մասնագիտություն	կենսաբան
Հաստատություն(ներ)	K.G. Razumovsky Moscow State University of Technology and Management?
Ալմա մատեր	Կուբանի տեխնոլոգիական համալսարան
Գիտական աստիճան	կենսաբանական գիտությունների դոկտոր
Տիրապետում է լեզուներին	ռուսերեն
Պարգևներ
Կուսակցություն	ԽՄԿԿ

Գործունեություն

Սերգեյ Ավագյանցը ավարտել է Կրասնոդարի պոլիտեխնիկական ինստիտուտը (1962)։ 1980 թվականից՝ Սննդի արդյունաբերության համամիութենական հեռակա ինստիտուտի գինու տեխնոլոգիայի ամբիոնի վարիչ։ Ուսումնասիրել է փրփրուն գինիների ստացման տեսական, գինիների հասունացման ժամանակ ընթացող շարժընթացները, խմորասնկերի ինքնալուծման (ավտոլիզ) մեխանիզմը։

Մշակել է սեղանի խաղողային գինիների արտադրության, խմորիչային մնացորդների օգտահանման, ինչպես նաև կատալիզորդների միջոցով գինիների հասունացումն արագացնող մեթոդներ։ Առաջարկել է փրփրուն գինիների որակի գնահատման, գինու տեսակի և բուրումնավետացնող նյութերի որոշման եղանակներ։

Իտալիայի խաղողագործության և գինեգործության ակադեմիայի թղթակից անդամ (1979)։

Գրականություն

• Биохимические основы технологии шампанского, Москва, 1980.

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։