Սեռա դաս Կոնֆուսիոնս ազգային պարկ

Սերրա դաս Կոնֆուսիոնս ազգային պարկ; Parque Nacional da Serra das Confusões
Տեսակ	ազգային պարկ
Կազմված է	Սեռադո
Երկիր	Բրազիլիա
Վարչատարածք	Պիաուի
Հիմնվել է	հոկտեմբերի 2, 1998
Մակերես	8238 կմ², 823 838 հեկտար, 258 384 հեկտար և 565 454 հեկտար
Կառավարում	Բրազիլիայի դաշնային կառավարություն

Սեռա դաս Կոնֆուսիոնս ազգային պարկ (պորտ.՝ Parque Nacional da Serra das Confusões), ազգային պարկ Պիաուի նահանգում, Բրազիլիա։

Տեղագրություն խմբագրել

Սեռա դաս Կոնֆուսիոնս ազգային պարկը գտնվում է Ալվորադա դու Գուրգեյա, Բրեժու դու Պիաուի, Բոմ Ժեզուս, Կանտու դու Բուրիտի, Կարակոլ, Կրիստինու Կաստրու, Գուարիբաս, Ժուրեմա, Սանտա Լուզ և Տամբորիլ դու Պիաուի մունիցիպալիտետներում՝ Պիաուի նահանգում։ Ընդգրկում է 823843 հա տարածք^[1]։ Տեղանքը համեմատաբար հարթ է, որը ներառում է ավազաքարային սարահարթեր ու հարակից ցածրավայրեր, ինչպիսին է՝ Պարնաիբայի ցածրավայրը։ Պարկը գտնվում է ծովի մակարդակից 350-660 մետր բարձրության վրա։ Ստորին հատվածներն ավելի խորդուբորդ են՝ քարքարոտ փոքր քարանձավներով և ջրային աղբյուրներով։ Պարկի միջով հոսում է Իտաուեյրա գետը։

Վարչական պատմություն խմբագրել

Սեռա դաս Կոնֆուսիոնս ազգային պարկը ստեղծվել է 1998 թվականի հոկտեմբերի 2-ին դաշնային հրամանագրով և կառավարվում է Չիկո Մենդեսի Կենսաբազմազանության պահպանության ինստիտուտի կողմից^[1]։ Պարկը դասվում է Բնության պահպանության միջազգային միության II կատեգորիային (ազգային պարկ)։ Նպատակն է՝ պահպանել բնական էկոհամակարգերը և նպաստել գիտական հետազոտությունների զարգացմանը, բնապահպանական կրթությանը, ինչպես նաև ապահովել բացօթյա հանգիստ ու էկոտուրիզմ։ Կապիվարա Կոնֆուսիոնս էկոլոգիական միջանցքը, որը ստեղծվել է 2006 թվականին, հարում է Սեռա դա Կապիվարա ազգային պարկին։

Շրջակա միջավայր խմբագրել

Տարեկան տեղումների միջին քանակը 650 մմ է։ Ջերմաստիճանը տատանվում է 12-ից մինչև 40 °C, իսկ միջինը՝ 28 °C է։ Պարկը գտնվում է Կաատինգա բիոմում^[1]։ Ավելի ցածր հատվածներում կան խոնավ անտառային ծառեր, որոնց բարձրությունը հասնում է 20 մետրի։ Խոնավ հովիտներում կան բրոմելներ և ձարխոտեր, հազվադեպ են հանդիպում հսկա ծառեր։

Կաատինգայում կենդանական աշխարհի 18 տեսակներից 13-ը ճանաչվել են էնդեմիկ։ Ուսումնասիրությունների արդյունքում գտնվել են 3 նոր տեսակի մողեսներ և 1-ական նոր տեսակի երկկենցաղ և կրիա։ Պարկում պահպանվող տեսակներից են յագուարը (Panthera onca), պուման (Puma concolor), մեծ զրահակիրը (Priodontes maximus) և այլն^[1]։

Պատկերասրահ խմբագրել

Ծանոթագրություններ խմբագրել

↑ ^1,0 ^1,1 ^1,2 ^1,3 «Parna da Serra das Confusões – Chico Mendes». Արխիվացված է օրիգինալից 2016 թ․ օգոստոսի 19-ին. Վերցված է 2019 թ․ ապրիլի 14-ին.

Աղբյուրներ խմբագրել

Parna da Serra das Confusões (Portuguese), Chico Mendes Institute for Biodiversity Conservation, Արխիվացված է օրիգինալից 2016-08-19-ին, Վերցված է 2016-06-09-ին{{citation}}: CS1 սպաս․ չճանաչված լեզու (link)
Unidade de Conservação: Parque Nacional Serra das Confusões (Portuguese), MMA: Ministério do Meio Ambiente, Վերցված է 2016-06-09-ին{{citation}}: CS1 սպաս․ չճանաչված լեզու (link)

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սերրա դաս Կոնֆուսիոնս ազգային պարկ կատեգորիայում։

[ref2-1] 1,0 ^1,1 ^1,2 ^1,3 «Parna da Serra das Confusões – Chico Mendes». Արխիվացված է օրիգինալից 2016 թ․ օգոստոսի 19-ին. Վերցված է 2019 թ․ ապրիլի 14-ին.

[1]