Սաքսոնյան հայելի
Սաքսոնյան հայելի (գերմ.՝ Sachsenspiegel), գերմանական միջնադարյան իրավունքի ժողովածու։ Կազմվել է 1221-1225 թվականներին։ Արտացոլել է ԱրևելյանՍաքսոնիայի ֆեոդալական սովորույթները, համագերմանական դասային իրավահարաբերություններն ու զարգացող դրամաիրային հարաբերությունները։ Սաքսոնյան հայելու առաջին մասը (Landrecht) վերաբերել է պետական կառուցվածքին, քրեական, քաղաքացիական իրավունքին, դատարանին ու դատավարությանը։ Երկրորդ մասը(Lehnrecht) կարգավորել է վասալային իրավահարաբերությունները։ Սաքսոնյան հայելու նմանությամբ ստեղծվել են գերմանական իրավունքի այլ հուշարձաններ՝ «Գերմանական հայելին», «Շվաբյան հայելին» և այլն։ Սաքսոնյան հայելին օգտագործվել է Հյուսիսային և Արևելյան Գերմանիայի առանձին երկրամասերի և քաղաքների իրավունքների (օրինակ, Մագղեբուրգյան իրավունքի) ժողովածուներ կազմելիս ու դատական պրակտիկայում։
Սաքսոնյան հայելի | |
|---|---|
 | |
| Հեղինակ | Eike von Repgow? |
| Ժանր | արձակ և Speculum literature? |
| Բնօրինակ լեզու | Middle Low German? |
| Ստեղծման տարեթիվ | 1220 և 1235 |
 Sachsenspiegel Վիքիպահեստում | |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 253)։ 
|
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |