Սանին (վեպ)
«Սանին», ռուս գրող Միխայիլ Արցիբաշևի վեպը, որը հրատարակվել է 1907 թվականին։ Հեղինակի ամենահայտնի և առաջին ավարտուն վեպն է։
| Սանին ռուս.՝ Санин | |
|---|---|
.jpg) | |
| Տեսակ | գրական ստեղծագործություն |
| Ձև | վեպ |
| Հեղինակ | Միխայիլ Արցիբաշև |
| Բնագիր լեզու | ռուսերեն |
| Գրվել է | 1902 |
| Հրատարակվել է | 1907 |
Վեպն առաջին անգամ հայերեն է թարգմանվել և հրատարակվել 2022 թվականին «Դարակ» հրատարակչության կողմից[1]։ Թարգմանության, ծանոթագրությունների և վերջաբանի («Հանիրավի մոռացված գրողի վերադարձը») հեղինակը Արմեն Ղազարյանն է, խմբագիր՝ Աշոտ Գաբրիելյան։
Կարծիքներ վեպի մասին
խմբագրելԱրցիբաշևին ես ծանոթ չեմ։ Մի անգամ ես ուրիշների հետ դատավոր էի հրավիրված նրա «Սանին» անունով վեպի հրապարակական դատին։ Այդ վեպը ես սկսել էի կարդալ և չէի կարողացել ավարտել։ Ոչ այն պատճառով, որ նա մի պոռնոգրաֆիական գրվածք է, ինչպես ասում են շատերը, այլ որովհետև հետաքրքրական չէր, զուրկ էր ստեղծագործական ներշնչումից։ ...Որքան հիշում եմ, մեր վճիռը շատ էլ նպաստավոր չեղավ Սանինի բարոյական աշխարհայացքի մասին[2]։
Վեպը հետաքրքիր է, բայց դժվար թե ամսագրի (նկատի ունի «Միր Բոժիյ» ամսագիրը) խմբագրությունը համաձայնվի տպագրել այն[3]։
Վեպն անհնար է տպագրել։ Որոշ դրվագների նատուրալիզմը սահմանակից է պոռնոգրաֆիային, և գլխավորը՝ վեպն անկումային է ու չի համապատասխանում ներկայիս քաղաքական իրադրությանը, երբ առաջադեմ հասարակությունը հեղափոխականորեն է տրամադրված[3]։
Ծանոթագրություններ
խմբագրել- ↑ Սանին - Միխայիլ Արցիբաշև
- ↑ Շիրվանզադե, Արցիբաշևի «Խանդ»-ը։ «Մշակ», 1913թ., № 251։
- ↑ 3,0 3,1 Արմեն Ղազարյան, Հանիրավի մոռացված գրողի վերադարձը։ Սանին (վեպ), Ե., Դարակ, 2022, էջ 533։