Սամվել Յուրիի Ապրեսյան

Անվան այլ կիրառումների համար տե՛ս՝ Սամվել Ապրեսյան (այլ կիրառումներ)

Վիքիպեդիայում կան հոդվածներ Ապրեսյան ազգանունով այլ մարդկանց մասին։

Սամվել Ապրեսյան (9 ապրիլի, 1965, Բաքու - 26 փետրվարի, 1992), հայ ազատամարտիկ, Արցախյան ազատամարտի մասնակից։

Սամվել Յուրիի Ապրեսյան
9 ապրիլի, 1965 - 26 փետրվարի, 1992
Ծննդավայր	Բաքու
Մահվան վայր	Արցախ
Մարտեր/ պատերազմներ	Արցախյան ազատամարտ

Կենսագրություն

Սամվել Ապրեսյանը ծնվել է 1965 թ. ապրիլի 9-ին Բաքու քաղաքում։ Նույն թվականին ընտանիքի հետ տեղափոխվել է Ասկերան ավան։ Սովորել է Ասկերանի միջնակարգ դպրոցում, աշխատել Ասկերանի գինու գործարանում։ Զինվորական պարտադիր ծառայությունն անց է կացրել ԳԴՀ-ում տեղակայված զորախմբում։ Զորացրվելուց հետո վերադարձել և որպես վարորդ աշխատել է Ասկերանի հոգեբուժական հիվանդանոցում, այնուհետև՝ շրջանային կենցաղսպասարկման կոմբինատում։ Կամավորագրվել է ինքնապաշտպանական ջոկատներից մեկում, մասնակցել Խրամորթ գյուղի պաշտպանությանը։ Զոհվել է 1992 թ. փետրվարի 26-ին Խոջալուից նահանջող թուրքերի կրակից։ Ամուսնացած էր, ունի երկու երեխա։ Հետմահու պարգևատրվել է «Արիության համար» մեդալով։ Հանգչում է Ասկերանի գերեզմանատանը։