Սաղամո լիճ
Սաղամո, Թեն, Դումա, Դումայի լիճ, Դուման, Թուման, Սաղամո, Սաղամոն, Սաղամոս, Տուման, (վրաց.՝ საღამოს ტბა)՝ լիճ Վրաստանում, Նինոծմինդայի շրջանի տարածքում։ Տեղակայված է Ախալքալաքի սարահարթում, Փարավանա գետի ավազանում գետի ավազանում, Փարվանա լճակից հարավ, ծովի մակարդակից 1996 մ բարձրության վրա։ Լճի մակերեսը կազմում է 4,8 կմ², միջին խորությունը՝ 1,6 մ, առավելագույնը հասնում է 2,3 մ։ Ունի տեկտոնական ծագում։ Լճի սնուցումը ստորգետնյա, ձնային և անձրևային եղանակով է։ Ջրի առավելագույն մակարդակը մայիսին է,նվազագույնը՝ սեպտեմբերին։ Լճի միջով հոսում է Փարվանա գետը։ Հարավային և հարավ-եվրոպական ափերը կազմված են անդեզիտներից։ Լիճն ունի սեղանի ձև։ Ջրի բարձրագույն ջերմաստիճանը հուլիսին հասնում է 14,4 °C: Ձմռանը լիճը սառցակալում է մինչև 4,5 ամիս։ Լճի ափին է գտնվում Սաղամո գյուղը։
| Սաղամո լիճ | |
|---|---|
.jpg) | |
| Տեսակ | լիճ |
| Երկիր |  Վրաստան[1] |
| Վարչատարածք | Սամցխե-Ջավախեթի մարզ |
| ԲԾՄ | 1996 մետր |
| Խորություն | 2,3 մետր |
| Մակերես | 4,8 կմ² |
| Ծավալ | 0,0077 կմ³ |
| Ավազանի տարածք | 528 կմ² |
| Ավազանի երկիր | Վրաստան |
| Լիճ հոսող գետ | Փարվանա |
| Լճից հոսող գետ | Փարվանա |
 | |
 | |
Լճակի մեջ թափվում են Բոյուքդարա և Գանձա գետերը, դուրս է գալիս Տումի ջուրը։ Ջուրը քաղցրարահամ է, ձկներով առատ։ հյուսիս-արևելյան ափին գտնվող Սաղամո գյուղի անունով կոչվում է նաև Սաղամո։ Գրականության մեջ երբեմն սխալմամբ նույնացվում է հարավ արևմուտքում գտնվող Խանչալի լճի հետ[2]։
Ծանոթագրություններ խմբագրել
- ↑ GEOnet Names Server — 2018.
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 438 — 992 էջ։
 | Վիքիպահեստն ունի նյութեր, որոնք վերաբերում են «Սաղամո լիճ» հոդվածին։ |