Սագաձոր

Սագաձոր, գյուղ Արևմտյան Հայաստանում, Էրզրումի վիլայեթի Քղիի գավառակում։ Գտնվում էր Քղի գետի վերին հոսանքի ձախակողմյան մասում, ձորակի մեջ։

Գյուղ
Սագաձոր
Սագաձոր
Վարչական տարածք	Արևմտյան Հայաստան
Վիլայեթ	Էրզրումի գավառԷրզրումի գավառ
Գավառակ	Քղիի գավառակ
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Անվան ստուգաբանություն

Ըստ ավանդության գյուղը Սագաձոր է կոչվել, քանի որ այստեղ էին պահում Արշակունի իշխանների սագերը։

Պատմություն

Գյուղն ավերվել, իսկ բնակիչների մեծ մասը կոտորվել կամ տարագրվել է 1915 թվականի Մեծ եղեռնի ժամանակ։

Բնակչություն

XX դարի սկզբին ուներ 80 տուն՝ 640 հայ բնակչով։

Տնտեսություն

Բնակչության հիմնական զբաղմունքը երկրագործություն, անասնապահություն, պարտիզպանություն և արհեստներն էր։

Պատմամշակութային կառույցներ

Սագաձորն ուներ 1209 թվականին կառուցված Ս. Սարգիս (կամ Ս. Խաչ) անունով եկեղեցի։

Կրթություն

Գյուղում գործում էր վարժարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 108)։